Longa aakonakonimbiimbeli yoye yi ipaluthe nOohapu dhaKalunga

Opo tu kwathele aakonakonimbiimbeli ya tseye Jehova noya ninge Aakriste ya pyokoka, oye na okwiilonga oshindji shi vulithe pwaashoka tatu ya longo. (Mat 5:3; Heb 5:12–6:2) Oye na wo okwiilonga nkene taya vulu okwiipalutha yo yene pambepo.

Okuza petameko, ulukila aakonakonimbiimbeli yoye nkene ye na okwiilongekidhila ekonakono noku ya ladhipika ya kale haye shi ningi. (mwb18.03 6) Ya ladhipika ya kale haya galikana tango manga inaaya tameka nekonakono lyawo lyopaumwene. Ya kwathela ya kale ye shi okulongitha iilongitho yokukonga uuyelele. Ya yelithila nkene ye na okumona shoka oshipe kepandja lyetu lyokointaneta, jw.org noya tale opolohalama yotiivii JW. Tsikila oku ya kwathela ya kale haya lesha Ombiimbeli esiku kehe, hayi ilongekidhile okugongala nokukonga omayamukulo gomapulo ngoka ye na. Ya kwathela ya kale haya tedhatedha kwaashoka tayi ilongo.

TALA OKAVIDIO KWATHELA AAKONAKONIMBIIMBELI YOYE YI IPALUTHE NOOHAPU DHAKALUNGA, E TO YAMUKULA OMAPULO TAGA LANDULA:

• 

  Niita okwa kwathele ngiini Jade a mone kutya okukonakona okwa kwatela mo oshindji kaashi shi owala okutseya omayamukulo?

• 

  Oshike sha kwathele Jade a kale a tompwa kutya Jehova oku li mondjila, sho i indika omilalo dha nyata?

• 

  Jade okwa ndhindhilike shike kombinga yokutedhatedha?