Aagundjuka kaleni hamu popi mwa manguluka naavali yeni

Omolwashike wu na okukambadhala okulombwela aavali yoye wa manguluka omadhiladhilo goye? (Omayel 23:26) Omolwaashoka Jehova okwe ya pa oshinakugwanithwa shoku ku sila oshimpwiyu noku ku pukulula. (Eps 127:3, 4) Otashi ka kala oshidhigu kuyo oku ku kwathela, ngele owa kala itoo ya lombwele shoka to ipula nasho. Shimwe ishewe, oto iyimbi okwiilonga sha kiimoniwa yawo mbyoka yi ilonga mokukalamwenyo. Mbela osha puka okumwenena iinima yontumba? Haaluhe hashi kala sha puka, ihe kotoka kuu fundje aavali yoye yi itaale oshinima shoka kaashi shi shoshili. — Omayel 3:32.

Ongiini to vulu okupopya naavali yoye? Kambadhala okupopya naavali yoye pethimbo tali mu opalele amuhe. Ngele shoka oshidhigu okuninga, oto vulu okunyolela po gumwe ontumwafo wu mu lombwele nkene wu uvite. Ongiini ngele oya hala okupopya nangoye kombinga yoshinima shoka inoo hala mu kundathane? Dhimbulukwa kutya oya halelela oku ku kwathela. Tala ko aavali yoye ye li ookuume koye, ihe haatondi. Oonkambadhala dhoye ndhoka to ningi opo wu popye naavali yoye wa manguluka, otadhi ke ku etela uuwanawa sigololo. — Omayel 4:10-12.

TALA OKAVIDIO ONKALAMWENYO YAAGUNDJUKA YOMIMVO OMULONGO NASHA — ONGIINI TANDI VULU OKUPOPYA NAAVALI YANDJE? E TO YAMUKULA OMAPULO NGAKA:

• 

  Oshike shoka Esther naPartik ya ndhindhilike kombinga yawo yene?

• 

  Oshike to vulu okwiilonga koshiholelwa shaJesus?

• 

  Aavali yoye oyu ulike ngiini kutya oye na ko nasha nangoye?

• 

  Omakotampango gopaMbiimbeli geni taga vulu oku ku kwathela wu popye naavali yoye?