ONKALAMWENYO YOPAKRISTE
Jehova ota hupitha mboka ya kanitha etegameno
Atuheni ohatu uvu nayi omathimbo nomathimbo. Okuuva nayi itaku ti omuntu okwa nkundipala pambepo. Nokuli naJehova okwa popi kutya okwa li a uvu nayi omathimbo gamwe. (Gen 6:5, 6) Ihe ongiini ngele ohatu kala tu uvite twa gwililwa po noonkondo olundji nenge ethimbo alihe?
Pula ekwatho kuJehova megalikano. Jehova oku na ko nasha nuukolele wetu wopamadhiladhilo nowopamaiyuvo. Oha kala e shi shi, uuna twa nyanyukwa nuuna twa yemata. Oha kala e shi uvite ko thiluthilu kutya omolwashike hatu kala tu uvite ngawo. (Eps 7:9b) Shoka sha simanenena, Jehova oku na ko nasha natse nota vulu oku tu kwathela tu idhidhimikile omaiyuvo gokuuva nayi nenge nokuli gokukala twa gwililwa po. — Eps 34:18.
Gamena omadhiladhilo goye. Omaiyuvo omawinayi otaga vulu okuguma enyanyu lyetu nosho wo ekwatathano lyetu naJehova. Omolwetompelo ndyoka, ohatu ningi ngaashi tatu vulu tu gamene omutima gwetu, ano uuntu wetu womeni. — Omayel 4:23.
TALA OKAVIDIO NKENE AAMWATATE TAYA NYANYUKILWA OMBILI, NONANDO OYA GWILILWA PO, E TO YAMUKULA OMAPULO NGAKA:
Iinima yini Nikki a ningi, mbyoka ye mu kwathele a ungaunge nepolimano?
Omolwashike Nikki a li e uvite kutya okwa pumbwa a ka konge ekwatho lyopaunamiti? — Mat 9:12
Omomikalo dhini Nikki a ulike kutya okwa inekela muJehova e mu kwathele?