Kalunga oku na ko nasha nangoye
OMBIIMBELI oyi tu nine omayele ga dhenga mbanda, molwaashoka oya za kuKalunga. Kayi shi embo lyopaunamiti, ihe otayi vulu oku tu kwathela tu ungaunge noonkalo oondhigu, nomadhiladhilo ga za pehala, omaiyuvo omawinayi, omikithi dhopalutu nodhopamadhiladhilo.
Shoka sha simanenena, osho kutya Ombiimbeli otayi tu shilipaleke kutya Omushiti gwetu, Jehova Kalunga, oye owala,a e shi omadhiladhilo nomaiyuvo getu e vulithe kehe gumwe. Okwi ilongekidha oku tu kwathela momaupyakadhi getu agehe. Pashiholelwa, natu ka taleni komanyolo gaali taga hekeleke:
“Omuwa oku li popepi naamboka ya dhengwa pevi; ota hupitha mbo ya kanitha etegameno.” — EPISALOMI 34:18.
“Oshoka ongame Omuwa Kalunga koye; otandi ku tsu omukumo te ti: ‘Ino tila; otandi ku kwatha.’” — JESAJA 41:13.
Jehova ohe tu kwathele ngiini tu ungaunge nuupyakadhi wopamadhiladhilo? Ngaashi to ke shi mona miitopolwa tayi landula ko, Jehova okwe shi ulika lela kutya oku na ko nasha natse momikalo odhindji.
a Jehova olyo edhina lyaKalunga. — Eksodus 15:3, OB-1954.