Shoka To Vulu Okukonakona Kombinga Yasho

Mona uuyelele kombinga yomaukwatya gaJehova ge na ongushu

Uuna tatu lesha Ombiimbeli, ohatu vulu okulongitha iikwathithi yopaMbiimbeli yi ili noyi ili, tu uve ko nawa shoka tatu lesha. Inatu hala okukonakona tu mone owala ontseyo yOmbiimbeli. Ihe otwa hala tu mone omaliko gomoohapu dhaKalunga kombinga yuukwatya waJehova mboka tawu ka indjipaleka ohole yetu yoku mu hola. Opo tu shi ninge, otatu vulu okwiipula ngeyi, ‘Ehokololo lyOmbiimbeli ndika otali longo ndje shike kombinga yaJehova?’

Pashiholelwa, oto vulu okukambadhala wu mone uuyelele owundji kombinga yankene Jehova e tu ulukila omaukwatya ge, ngaashi ohole, uunongo, uuyuuki noonkondo. Uukwatya waJehova inawu kwatelela mo owala omaukwatya ngoka. Ihe owa kwatela mo omaukwatya ge galwe omawanawa. Mbela openi tatu vulu okwaadha uuyelele owundji kombinga yomaukwatya ge?

Tala komusholondondo gwomaukwatya gaJehova ga gwedhwa po ge vulithe 50, ngoka taga adhika kohi yoshipalanyolo “Jehova” nosho wo kohi yokapalanyolo “Omaukwatya ga tumbulwa kedhina,” moWatch Tower Publications Index. Konga omaukwatya ngoka taga opalele ehokololoMbiimbeli ndyoka to lesha. (Ngele oho vulu okuya kEmbo lyokukonga uuyelele lyOonzapo dhaJehova, tala kohi yoshipalanyole “Jehova Kalunga” nosho wo kohi yokapalanyolo “Omaukwatya gaJehova.”