Shoka to vulu okukonakona kombinga yasho

Endela pamwe nomalunduluko ngoka ge li pethimbo, ngele tashi ya peuvoko lyetu lyoshili yOmbiimbeli

Oshi li uuthembahenda uunene kutse, sho Jehova ta ende te tu hololele uuyelele owundji kombinga yeuvoko lyOmbiimbeli inaashi monika nando onale. (Dan. 12:4) Nonando ongawo, otashi vulika shi kale oshidhigu kutse okweendela pamwe neuvoko lyoshili yOmbiimbeli ndyoka li li pethimbo. Openi mbela tatu vulu okwaadha omalunduluko nosho wo omayelitho ngoka ge li pethimbo?

• Membo Watch Tower Publications Index omu na oshitopolwa: “Beliefs Clarified” moka to adha omusholondondo gwomalunduluko geuvoko lyetu lyoshili yOmbiimbeli nosho wo omimvo moka ga ningwa. Opo wu mone omusholondondo ngoka, topatopela moshikongitho shoshikwaelektronika shoye uutumbulilo, “understanding clarified” (shi li miiyoololinkwanu), mopolohalama Watchtower Library, nenge Watchtower ONLINE LIBRARY^™.

• MEmbo lyokukonga uuyelele lyOonzapo dhaJehova omu na omusholondondo paufupi gwiikundathanwa yopaMbiimbeli. Inda mpoka pwa nyolwa “Oonzapo dhaJehova,” e to kongo oshipalanyolo: “Omataloko nomaitaalo,” to tala mpoka pwa nyolwa “Eitaalo lyetu tali yelithwa.”

Ongiini ngele pekonakono lyoye lyopaumwene owa itulile po elalakano wu konakone elunduluko lyontumba ndyoka opo lya ningwa, e to ningi omapekapeko ge na ko nasha neuvoko lyetu lyongashingeyi nosho wo ge na ko nasha nomatompelo gopamanyolo kutya omolwashike pwa ningwa elunduluko ndyoka?