Shoka to vulu okukonakona kombinga yasho

Mbela oho mono ngaa uuwanawa momayelitho goovelise dhOmbiimbeli ngoka ge li mEmbo lyokukonga uuyelele lyOonzapo dhaJehova?

Omayelitho ngono otaga vulu oku ku kwathela wu konakone muule Oohapu dhaKalunga. Otashi vulika ga kale ga kwatela mo uuyelele kombinga yankene iinima ya li pethimbo iiningwanima mbyoka ya popiwa movelise yontumba mOmbiimbeli ya li ya ningwa. Ovelise ndjono oya li ya nyolelwa shike, oya li ya nyolelwa oolye, nenge iitya nomautumbulilo gayo otaga ti naanaa ngiini.

ONGULUMAMBO YOKOINTANETA nosho wo opolohalama JW Library ohayi ku kwathele wu leshe uuyelele mEmbo lyokukonga uuyelele mboka wa kuthwa movelise yOmbiimbeli. Uuyelele mboka oto vulu oku wu adha metoloko kehe lyOmbiimbeli ndjoka yi li ko, mokampungu ke ku gama kolulyo lwontopolwa kehe yOmbiimbeli ndjoka.

Uuna to longitha uuyelele mboka, gandja eitulomo kesiku. Iitopolwa mbyoka opo ye ya ko ohayi kala pombanda. Miitopolwa mbyoka yi li momusholondondo pevi, ohamu kala iitopolwa iikulu mbyoka tashi vulika muyo mu kale uuyelele wa pupalekwa.

• Uuyelele wovelise mboka wu li mEmbo lyokukonga uuyelele owu li wo nomONGULUMAMBO YOKOINTANETA.

• Opo wu vule okumona uuyelele wovelise mopolohalama JW Library, tapela mo Embo lyokukonga uuyelele nuuyelele mboka opo wa tulwa mo. Shoka oto vulu oku shi ninga mokulongitha okambandi hoka ke li pombanda yoshimpungu shoka shi li kolulyo lwontopolwa kehe yOmbiimbeli.