Ulukila

Aantu ayehe olukeno

Esiku limwe, omumwameme gumwe gwokoNew Zealand, okwa li a tala okavidio ko jw.org, hoka taka kundathana kutya Jehova ihe tu uvile owala olukeno, ihe ohe lu tu ulukile wo. (Jes. 63:7-9) Okwa li a tokola a tule miilonga shoka a li a ilongo, mokukonga oompito a kwathele yalwe. Lwanima, esiku ndyoka manga ta landa iipumbiwa ye, okwa tsakaneke omukiintu kee na mpoka ha kala e te mu lombwele kutya ote ke mu landela iikulya. Omukiintu okwa zimine. Sho omumwameme e mu etele iikulya, okwe mu uvithile paufupi, ta longitha okafo Mbela okumona iihuna onaku ka hule po ngaa siku limwe?

Omukiintu okwa tameke ta hukula ehodhi. Okwe mu yelithile kutya okwa putukila moshili, ihe okwe yi thigi po omimvo odhindji dha ka pita. Omathimbo opo ga zi ko, okwa kala ta galikana Jehova e mu kwathele a galukile kuye. Omumwameme okwe mu pe Ombiimbeli, e ta ningi elongekidho a kale ha konakona naye.a

Otatu vulu okuholela olukeno lwaJehova, mokukala kala hatu uvile aantu olukeno, mwa kwatela aakwanezimo yetu nosho wo aamwatate naamwameme megongalo. Otatu vulu wo okuulika olukeno mokukonga oompito dhokuuvithila yalwe.