Kala wa tonata mokukala ho konakona nuukeka

Lesha Daniel 9:1-19, opo wu ilonge esimano lyokukonakona nuukeka.

Konakona oshikundathanwa. Oshike sha li sha ningwa po, nosha li sha gumu ngiini Daniel? (Dan. 5:29–6:5) Andola ongoye wa li Daniel, ando owa kala wu uvite ngiini?

Ilonga oshindji. ‘Omanyolo omayapuki’ geni Daniel a li a konakona? (Dan. 9:2; w11-E 1/1 22 okat. 2) Omolwashike Daniel a li a hempulula omayono ge nosho wo goshigwana shaIsraeli? (Lev. 26:39-42; 1 Aak. 8:46-50; dp-E 182-184) Egalikano lyaDaniel olya li lya ulike ngiini kutya okwa li ha konakona Oohapu dhaKalunga? — Dan. 9:11-13.

Dhiladhila kombinga yaashoka wa ilonga. Ipula ngeyi:

• ‘Ongiini tandi vulu okuyanda okupiyaganekwa kiiningwanima yuuyuni?’ (Mika 7:7)

• ‘Ongiini okukonakona Oohapu dhaKalunga nuukeka ngaashi Daniel a li a ningi, taku vulu okweetela ndje uuwanawa?’ (w04 8/1 22 okat. 17)

• Iikundathanwa yini tandi vulu okukonakona paumwene tayi ka kwathela ndje ndi ‘kale nda tonata’? (Mat. 24:42, 44, w12 8/15 5 okat. 7-8)