Longitha Ombiimbeli ngaashi esipili

Omulongwa Jakob, okwa yelekanitha Ombiimbeli nesipili ndyoka hali tu kwathele tu mone kutya otwa tya lela ngiini. (Jak. 1:22-25) Ongiini tatu vulu okulongitha nawa Ombiimbeli, onga esipili?

Lesha nuukeka. Ngele otwa italele mesipili twa endelela, otashi vulika kaatu mone shoka twa pumbwa okupukulula. Sha faathana, ngele otwa lesha owala Ombiimbeli tatu endelele, itatu ka vula okumona mpoka twa pumbwa okuninga omalunduluko. Onkee otwa pumbwa okulesha Ombiimbeli nuukeka.

Gandja eitulomo kwaashoka wa pumbwa okuhwepopala musho, ihe haku yalwe. Omathimbo gamwe, uuna twa italele mesipili, ohatu vulu wo okukala tu wetele mo yalwe, notashi vulika tu gandje eitulomo kwaashoka sha puka kombinga yankene taya monika. Sha faathana, otatu vulu okulongitha Ombiimbeli tu ndhindhilike mo omapuko ga gumwe. Ihe shoka itashi ke tu kwathela tu pukulule omapuko getu yene.

Kala wu na ondjele. Ngele otwa italele mesipili e tatu mono mo shoka kaatu hole, otashi vulu oku tu teya omukumo. Otwa pumbwa okukala tu na ondjele, uuna tatu lesha Oohapu dhaKalunga, kaatu kale unene tatu gandja eitulomo kutse yene shi vulithe kunkene Jehova he tu tala ko. — Jak. 3:17.