Jesus ota ka hulitha po omiyonena

Jesus oku shi nkene hatu kala tu uvite uuna tatu mono iihuna omolwomiyonena nosho wo okwaanuuyuuki. Okwa li a lundilwa, a dhengwa kaashi li paveta, a pangulwa kaashi li pauyuuki, a li a mangwa po nokwa li a dhipagwa momukalo omunyanyalithi. Nonando ka li a ninga sha sha puka, okwa yamba po nehalo ewanawa “omwenyo gwe gu li iikulila omolwoyendji.” (Mateus 20:28; Johannes 15:13) E li Omukwaniilwa gwUukwaniilwa waKalunga, masiku ota ka shilipaleka kutya uuyuuki otawu longwa kombanda yevi alihe, nota ka hulitha po omiyonena sigo aluhe. — Jesaja 42:3.

Ombiimbeli oya popya nkene uuyuni tawu ka kala wa tya, ngele Jesus okwa katuka oonkantu ndhoka, ya ti:

• “Aadhudhu otaa ka kana po mbala; nando u ya konge, ito ya mono. Aayifupipiki otaa ka thigulula evi notaa ka mona uulinawa nombili.” — Episalomi 37:10, 11.

Ongiini tatu vulu okuulika olupandu lwaashoka Jesus e tu ningila naashoka te ke tu ningila monakuyiwa? Omukalo gumwe moka tatu vulu oku shi ninga omokwiilonga oshindji kombinga ‘yonkundana ombwanawa yUukwaniilwa waKalunga,’ ndjoka naye a li ha uvitha. (Lukas 4:43) Lesha oshitopolwa “What Is the Kingdom of God?”