Jesus ota ka hulitha po oluhepo

Sho a li kombanda yevi, Jesus okwa ulukila aantu ohole onene, unene tuu mboka ya li oohepele naamboka ya li muudhigu. (Mateus 9:36) Okwa li nokuli a yamba po omwenyo gwe, omolwuuwanawa wa yalwe. (Mateus 20:28; Johannes 15:13) Masiku, natango ota ka ulikila aantu ohole mokulongitha oonkondopangelo dhe e li Omukwaniilwa gUukwaniilwa waKalunga, a hulithe po oluhepo kombanda yevi alihe.

Ombiimbeli oya popya moohapu dhoshitewo shoka Jesus ta ka ninga:

• Ombiimbeli otayi ti: “Omukwaniilwa na popile aathiminikwa moshigwana; na kwathe oohepele.” — Episalomi 72:4.

Ongiini tatu vulu okuulika olupandu lwetu lwaashoka Jesus e tu ningila, naashoka te ke tu ningila? Omukalo gumwe moka tatu vulu oku shi ninga omokwiilonga oshindji kombinga ‘yonkundana ombwanawa yUukwaniilwa waKalunga,’ ndjoka naye a li ha uvitha. (Lukas 4:43) Lesha oshitopolwa “What Is the Kingdom of God?”