Jesus ota ka hulitha po iita

Sho a li kombanda yevi, Jesus okwa li a ulikile aantu ohole onene, sho a yamba po omwenyo gwe. (Mateus 20:28; Johannes 15:13) Masiku, natango ota ka ulikila aantu ohole mokulongitha oonkondopangelo dhe e li Omukwaniilwa gUukwaniilwa waKalunga, a ‘hulithe po omalugodhi kombanda yevi alihe.’ — Episalomi 46:9.

Tala nkene Ombiimbeli tayi yelitha shoka Jesus ta ka ninga:

• Ombiimbeli otayi ti: “Ota hupitha ohepele ngo te mu lilile, omuthiminikwa ngo kee na ngo te mu kwatha. Ota sile oshimbembe nohepele olukeno note ya hupitha meso. Ote ya hupitha methiminiko nomepiyagano.” — Episalomi 72:12-14.

Ongiini tatu vulu okuulika olupandu lwetu lwaashoka Jesus e tu ningila naashoka te ke tu ningila? Omukalo gumwe moka tatu vulu oku shi ninga omokwiilonga oshindji kombinga ‘yonkundana ombwanawa yUukwaniilwa waKalunga,’ ndjoka naye a li ha uvitha. (Lukas 4:43) Lesha oshitopolwa “What is the Kingdom of God?”