OSHITOPOLWA 1

Ongiini tatu vulu okupulakena kuKalunga?

Kalunga oha popi natse okupitila mOmbiimbeli. 2 Timoteus 3:16

Kalunga okwa li a nwethwa mo aalumentu yamwe oku za megulu ya nyole Ombiimbeli

Kalunga kashili okwa wilike aalumentu ya nyole omadhiladhilo ge membo limwe eyapuki. Embo ndyoka olyo Ombiimbeli. Oli na uuyelele wa simana mboka Kalunga a hala tu tseye.

Kalunga oku shi shoka tashi tu opalele, noye Onzo yuunongo auhe. Ngele oto pulakene kuye, oto ka kala wu na oondunge lela.—Omayeletumbulo 1:5.

Ombiimbeli oyi li momalaka ogendji; omulumentu ta lesha Ombiimbeli melaka lye

Kalunga okwa hala kehe omuntu kombanda yevi a leshe Ombiimbeli. Ngashingeyi oya tolokwa momalaka ogendji.

Ngele owa hala okupulakena kuKalunga, owu na okulesha Ombiimbeli noku yi uva ko.

Aantu muuyuni auhe otayu uvithilwa etumwalaka lyOmbiimbeli. Mateus 28:19

Onzapo yaJehova tayi leshele omulumentu ovelise, e ta yi ka konakona naye Ombiimbeli

Oonzapo dhaJehova otadhi vulu oku ku kwathela wu yi uve ko.

Ohadhi longo oshili kombinga yaKalunga muuyuni auhe.

Okugongala mOshinyanga shUukwaniilwa shOonzapo dhaJehova

Elongo lyadho ihali futilwa sha. Oto vulu wo okwiilonga kombinga yaKalunga pOshinyanga shUukwaniilwa shOonzapo dhaJehova shopune..