OSHITSA 5

Lesha nawa

1 Timoteus 4:13

SHOKA WU NA OKUNINGA: Lesha naanaa shoka sha nyolwa muule.

Ilongekidha nawa. Dhiladhila kutya elalakano lyoshitopolwa shoka to lesha olyashike. Iyenditha po to leshele iitya kumwe, ihe hashitya noshitya. Ino gwedha po sha nenge wu nuke po iitya, ngoye ino kutha po sha. Tala iileshitho ayihe.

Pula kuume koye a pulakene nkene to lesha, e ta ndhindhilike wo iitya mbyoka itoo tumbula mondjila.
Tumbula nawa oshitya kehe. Ngele ku shi nkene oshitya shontumba hashi tumbulwa, pulakena nkene hashi tumbulwa miileshomwa mbyoka ya kwatwa momawi. Oto vulu wo okupula ekwatho komuntu ngoka e shi okulesha nawa.
Popya iinima ya yela. Tumbula iitya nawa, yelutha omutse gwoye e to makula okana koye. Kambadhala okutumbula iitya ya yela nawa.

Ino tumbula iitya momukalo ngoka kaagu li paunshitwe.