Mbela oho longitha ngaa Ombiimbeli ndjoka ya kwatwa mewi?

Ombiimbeli ndjoka ya kwatwa mewi oshike? Oyo ndjoka yo-New World Translation ya pupalekwa noya kwatwa mewi. Ombiimbeli ndjoka otayi ende tayi tolokwa momalaka ogendji ngaashi tashi vulika. Shimwe shomiinima iindhindhilikwedhi kombinga yOmbiimbeli ndjoka osho kutya oya kwatwa momawi ga yoolokathana. Iitya mOmbiimbeli ndjoka oya tsuwa omuthindo mpoka sha pumbiwa noya leshwa wo nomaiyuvo, opo etumwalaka lyayo li kale lya yela noli li mondjila.

Yamwe ohaya mono mo ngiini uuwanawa mOmbiimbeli ndjika? Oyendji mboka haye yi longitha oye yi hole, oshoka ohayi mwenyopaleke Oohapu dhaKalunga. Ohaya kala ye uvite kutya okuuva omawi gaaleshi ya yoolokathana, ohashi ya kwathela ya thaneke nawa momadhiladhilo iiningwanima yomOmbiimbeli noye yi uve ko. (Omayel 4:5) Oyendji oye shi mona wo kutya okupulakena kOmbiimbeli ndjoka ohaku ya hekeleke, uuna ye uvite ya sa iimpwiyu. — Eps 94:19.

Okuuva Oohapu dhaKalunga tadhi leshwa muule, ohashi tu kwathele noonkondo monkalamwenyo. (2Ondjal 34:19-21) Ngele Ombiimbeli ndjika oya kwatwa mewi melaka ndyoka ho uvu kutya nduno oyi ihwa po nenge iitopolwa owala yimwe, ongiini ngele owa kala ho yi pulakene pandjigilile?

TALA OKAVIDIO ENYANYANGIDHO LYOMBIIMBELI YA KWATWA MEWI — OSHINTOKO, E TO YAMUKULA EPULO NDIKA:

Oshike she ku kumitha kombinga yenyanyangidho lyOmbiimbeli ndjoka ya kwatwa mewi?