O-Web site yetu yopambelewa — Yi longitha okukwathela omuntu ngoka ihaa popi elaka lyoye
Mu ulukila o-web site yetu: Mu ulukila nkene ta vulu okulongitha omusholondondo mpoka pwa nyolwa “Elaka moka wu li” opo o-web site yi kale yi li melaka lye. (Momalaka gamwe kamu na iinima ayihe.)
Mu ulukila epandja li li melaka lye: Mu ulukila epandja lyashimwe shomiileshomwa yetu, ngaashi embo Omalongo gOmbiimbeli nenge okatraktate Mbela owa hala okutseya oshili. Hogolola elaka lyomunegumbo momusholondondo mpoka pwa nyolwa “Lesha moshi.”
Mu pa a pulakene koshileshwa: Mu monena elesho lyoshileshwa shimwe melaka lye e te shi pulakene. Nenge ngele oto ilongo elaka lilwe, oto vulu okuhwepopaleka ontseyo yoye mokupulakena kelesho melaka ndyoka sho to lesha. — Thinda mpoka pwa nyolwa “Iileshomwa/Omambo & Uubroshure” nenge “Iileshomwa/Iifo.”
Uvithila oombolo: Ngele owa tsakaneke ombolo, mu ulukila ontopolwa melaka lyokuudhika okuza mOmbiimbeli, membo, mokabroshure nenge mokatraktate. — Thinda mpoka pwa nyolwa “Iileshomwa/Elaka lyOkuudhika.”
[Oshithanekwa pepandja 6]
(Opo wu mona nkene uuyelele wu unganekwa, tala oshileshomwa)
Kambadhala oku yi longitha
1 Thinda ▸ wu pulakene elesho lyoshileshomwa (ngele omo li li melaka lyoye) nenge kamwe komuumbandi mpoka pwa nyolwa “Shoka to vulu okutapa” wu shi tape ko.
2 Hogolola elaka lilwe momusholondondo mpoka pwa nyolwa “Lesha moshi” wu leshe epandja ndika melaka ndyoka.
3 Thinda mpoka pwa nyolwa “Sha landula ko” nenge wu thinde “Oshikalimo” shimwe wu leshe oshileshwa nenge ontopolwa onkwawo.