O-Web site yetu yopambelewa — Yi longitha sho to konakona paumwene nonaanegumbo lyoye
Lesha ko iifo mbyoka opo ya piti: Lesha iifo yOshungolangelo noyo-Awake! kointaneta manga ku na iiwike yontumba yi yakulwe megongalo. Pulakena elesho lyoshifo shontumba. — Thinda mpoka pwa nyolwa “Iileshomwa/Iifo.”
Lesha ko iileshwa mbyoka hayi piti owala ko-web site: Iileshwa yimwe, ngaashi “For Young People,” “My Bible Lessons,” “For Family Review” nosho wo “Young People Ask,” otayi kala owala hayi piti ko-web site. Kala ho yi ko wu ke yi leshe sho to konakona paumwene nenge naanegumbo lyoye. — Thinda mpoka pwa nyolwa “Bible Teachings/Children” nenge “Bible Teachings/Teenagers.”
Oto ka adha ko oonkundana ndhoka opo dha piti: Lesha ko iimoniwa tayi tungu nokutala uuvidio uufupi kombinga yankene iilonga yetu tayi humu komeho muuyuni awuhe. Oonkundana kombinga yiiponga yopaunshitwe nosho wo yomahepeko otadhi ke ku kwathela wu vule okugalikanena aamwatate mboka ya gumwa kiinima mbyoka. (Jak. 5:16) — Thinda mpoka pwa nyolwa “News.”
Ninga omapekapeko to longitha ongulu yomambo yokointaneta: Ngele opolohalama ndjika omo yi li melaka lyoye, oto vulu okulongitha okompiuta nenge ongodhi yopeke wu leshe enyolo lyesiku kointaneta nenge wu ninge omapekapeko miileshomwa mbyoka opo ya zi ko. — Thinda mpoka pwa nyolwa “Iileshomwa/ongulu yomambo mointaneta” nenge wu nyole www.wol.jw.org mopolohalama yoye yokuya kointaneta.
[Oshithanekwa pepandja 4]
(Opo wu mona nkene uuyelele wu unganekwa, tala oshileshomwa)
Kambadhala oku yi longitha
1 Thinda pethano nenge mpoka pwa nyolwa “Tapa.” Ethano oto ke li mona tali patuluka mo-PDF. Li pilinta mo e to li pe aanona yoye ya yamukule noyi ilonge.
2 Thinda mpoka pwa nyolwa “Dhana” wu tale okavidio.