O-Web site yetu yopambelewa — Yi longitha muukalele
Ladhipika aantu ye yi longithe: Aantu yamwe mboka ihaaya kala naanaa ya hala okupopya natse nenge okutaamba iileshomwa oye na ohokwe okunongonona Oonzapo dhaJehova taya longitha o-jw.org, ye li momagumbo gawo. Onkee ano, lombwela aantu kombinga yo-web site yetu ngele ompito otayi shi pitike.
Yamukula omapulo: Omathimbo gamwe otashi vulika wu pulwe epulo kombinga yOonzapo dhaJehova nenge yaashoka twi itaala komunegumbo, kugumwe ngoka u ulika ohokwe, nenge komupambele. Longitha ongodhi yopeke nenge okompiuta wu mu ulukile eyamukulo pethimbo olyo tuu ndyoka. Oshiwanawa aluhe ngele otwa lesha oovelise ndhoka dhe etwa mo mOmbiimbeli mo mwene. Ngele ku na ointaneta, fatululila omuntu nkene ta vulu okulongitha o-jw.org i imonene omayamukulo. — Thinda mpoka pwa nyolwa “Bible Teachings/Bible Questions Answered” nenge “Kombinga yetu/Omapulo ngoka haga pulwa olundji.”
Tumina omuntu ngoka wu shi oshileshwa nenge oshileshomwa: Tumina omuntu oshileshomwa noe-mail molupe lwo-PDF nenge lwo-EPUB, nenge wu tape oshileshomwa molupe lwewi e shi kwatele moka-CD. Ethimbo kehe to pe omuntu ngoka inaa ninginithwa embo, okabroshure nenge oshifo shopaelektronika shi ihwa po oto vulu oku shi nyola molopota yoye yiilonga yomomapya. Katu na okutuma iileshomwa kaantu kaaye tu shi nenge tu tumine aantu oondumba dhiileshomwa. Yo kayi na okutulwa komahala galwe gokointaneta. — Thinda mpoka pwa nyolwa “Iileshomwa.”
Ulukila omuntu oonkundana ndhoka opo dha piti kombinga yOonzapo dhaJehova: Shika otashi ka kwathela aakonakonimbiimbeli nosho wo yalwe mboka to talele po ya tseye kutya iilonga yetu otayi longwa muuyuni awuhe noya mone nkene twa hangana tu li aamwayinathana yopaKriste. (Eps. 133:1) — Thinda mpoka pwa nyolwa “News.”
[Oshithanekwa pepandja 5]
(Opo wu mona nkene uuyelele wu unganekwa, tala oshileshomwa)
Kambadhala oku yi longitha
1 Mona shoka wa hala okutapa kohi yoshitopolwa “Iileshomwa” e to thindi okambandi kolupe moka wa hala oshileshomwa shi kale.
2 Thinda okambandi hoka ka nyolwa MP3 wu mone omusholondondo gwiileshwa. Thinda oshileshwa shoka wa hala okutapa nenge okupulakena kusho.
3 Hogolola elaka momusholondondo gwomalaka ngele owa hala okutapa oshileshomwa melaka lyoshikwiilongo.