O-Web site yetu yopambelewa — Ya longekidhilwa Oonzapo nosho wo yalwe
Jesus okwa li e tu lombwele tu uvithile “aantu ayehe” onkundana ombwanawa yuukwaniilwa ‘yi ningile iigwana ayihe onzapo.’ (Mat. 24:14) Opo tu ‘gwanithe ayihe mokulongela Kalunga’ oo-web site, watchtower.org, jw-media.org nosho wo jw.org, ngashingeyi odha mbwangwa mumwe notadhi adhika ko-jw.org. — 2 Tim. 4:5.
“Aantu ayehe”: Oopelesenda 33 lwaampono dhaantu kombanda yevi ohadhi longitha ointaneta. Ointaneta oya ninga ngashingeyi ehala hono aantu oyendji haya kongo uuyelele, unene tuu aagundjuka. O-web site yetu otayi gandja omayamukulo gomondjila komapulo gopaMbiimbeli kaalongithi yointaneta. Ohayi ya kwathele ya tseye ehangano lyaJehova noye shi ninga oshipu kuyo okupula ya longwe Ombiimbeli oshali. Otayi ningitha onkundana ombwanawa yi uvike nomomahala gomuuyuni moka aantu kaaye na naanaa ompito yokuuva etumwalaka lyUukwaniilwa.
“Iigwana ayihe”: Opo tu vule okugandja uunzapo ‘kiigwana ayihe,’ oshili yOmbiimbeli oyi na okukala momalaka gi ili nogi ili. Mbono haye ya ko-jw.org otaya vulu okumona uuyelele momalaka 400 lwaampo. Kapu na nando o-web site yilwe yi li momalaka ge thike mpo.
Yi longitha nawa: O-jw.org ompe kayi shi owala yokuuvithila mboka kaaye shi Oonzapo. Oya ningwa wo yi kale tayi longithwa nokOonzapo dhaJehova. Ngele oho vulu okuya kointaneta, otatu ku ladhipike wu kale wu shi nawa o-jw.org. Mpaka otapu landula omaetopo gankene tayi vulu okulongithwa.
[Oshithanekwa pepandja 3]
(Opo wu mona nkene uuyelele wu unganekwa, tala oshileshomwa)
Kambadhala oku yi longitha
1 Ngele oto longitha okompiuta, tula mo www.jw.org mokampungu kondjukithi kopolohalama yoye yokuya kointaneta.
2 Tala tala ko ko-web site to thindi piipalanyolo yopombanda, poshikongitho, nopoohapu ndhoka hadhi vulu okuthindwa.
3 Kambadhala okulongitha o-jw.org okupitila mongodhi yoye yopeke. Epandja ohali ningi eshona, opo li gwane ko nawa kongodhi yoye, ihe uuyelele ihawu lunduluka.