Longitha o-jw.org muukalele — “Become Jehovah’s Friend”

Ko-jw.org kohi yoshitopolwa “Bible Teachings” “Children” “Become Jehovah’s Friends” oku na iinima yaanona mbyoka ya kwatela mo omaimbilo, uuvidio, niilongadhalwa. Ihe nonando ongawo, uuvidio wumwe owu li ko mOshindonga ko-jw.org/ng kohi yoshitopolwa “Iileshomwa” “Uuvidio.” Mbela owa longitha ngaa nale oshitopolwa shoka muukalele? Ngele oho konakona Ombiimbeli nomuvali ngoka e na aanona aashona, omolwashike itoo shi mu ulikile? Shika otashi ke mu inyengitha a tale kiitopolwa yilwe mbyoka yi li kepandja lyetu lyokOintaneta.

Sho omumwatate gumwe a li ta gandja okafo Onkundana yUukwaniilwa onomola 38, okwa li e ka pe omukiintu ngoka a tameke oku ka lesha nziya. Okwa li e na aanona aashona mboka ya li ya hala okutseya shoka sha nyolwa mokafo moka. Omumwatate okwa kundathana paufupi shoka sha nyolwa mo noku ulike ondjukithi yepandja lyetu lyokOintaneta ndjoka ya nyolwa konima. Molwaashoka omukiintu okwa li u ulike ohokwe, okwa li e mu ulukile nosho wo oyana kamwe komuuvidio waKalipi kongodhi ye.

Omumwameme okwa lombwele omuniilonga pamwe naye ngoka e na aanona aashona kombinga yepandja lyetu lyokOintaneta nosho wo uuyelele wa nuninwa omaukwanegumbo mboka wu li ko. Omukiintu noyana oya yi ko-jw.org. Konima, okwa ka lombwela omumwameme kutya megumbo oyana oya kala tayi imbi eimbilo “Preach the Word,” limwe lyomomaimbilo ngoka ge li kohi yoshitopolwa “Become Jehovah’s Friend.”

Tseya shoka shi li ko-jw.org e to tapele mongodhi yoye kamwe komuuvidio, omaimbilo nenge iilongadhalwa. Oto ka kala nduno wu shi okulongitha iinima mbyoka yi li ko-jw.org muukalele. Shika kashi shi tuu oshilongitho oshiwanawa shoku tu kwathela tu longele Omuwa!— Iil. 20:19.