Mona uunongo kepandja JW.ORG, mboka tawu ku kwathele esiku nesiku

Oohapu dhaKalunga ohadhi tu kwathele lela tu idhidhimikile omashongo, ngoka hatu tsakaneke momasiku ngaka gahugunina omadhigu okukaliwa mugo. (2Tim 3:1, 16, 17) Ihe omathimbo gamwe otashi vulika tu kale twa pumbwa ekwatho, opo tu mone omakotampango gOmbiimbeli ngoka tage tu kwathele monkalo yontumba yokondandalunde. Pashiholelwa, mbela owu li omuvali ngoka ta kongo omayele gankene wu na okuputudha aanona? Mbela owu li omugundjuka ngoka ta kondjo nomashongo ngoka taga makele eitaalo lyoye? Mbela owu li omuselekadhi nenge omuselelume a nika oluhodhi, omolweso lyakuume koye kopandjokana? Oto vulu okumona uuyelele kepandja lyetu, jw.org, mboka tawu ku kwathele wu mone omakotampango gOmbiimbeli gokondandalunde, ngoka taga vulu oku ku kwathela moonkalo ndhoka nadhilwe odhindji. — Omayel 2:3-6.

Pepandja lyotango lyo-jw.org, inda mpoka pwa nyolwa OMALONGO GOMBIIMBELI. (Tala ethano 1.) Opo nduno, momusholondondo ngoka gwe etwa po, hogolola po oshitopolwa shoka wu na ohokwe musho. Nenge, inda mpoka pwa nyolwa IILESHOMWA > OMUSHOLONDONDO GWIIKUNDATHANWA, e to hogolola po oshitopolwa shoka wu na ohokwe musho. (Tala ethano 2.) Iitopolwa mbyoka oto vulu wo oku yi mona mopolohalama JW Library^®.a Otashi vulika nokuli wu ke yi nyanyukilwe. Omukalo gulwe moka to vulu okukonga oshikundathanwa shokondandalunde, omokulongitha oshikongitho shokukonga uuyelele shoka shi li kepandja jw.org.

Nyola iipalanyolo tayi landula moshikongitho shokukonga uuyelele, e to ndhindhilike iitopolwa mbyoka wa hala oku ka lesha.

• Okuputudha aanona

• Epolimano maagundjuka

• Eso lyakuume kopandjokana