OSHITSA 8
Longitha omathaneko taga opalele
Mateus 13:34, 35
SHOKA WU NA OKUNINGA: Opo wu shi endithe nawa ngele to longo aantu, longitha omathaneko ngoka omapu notaga longo aapulakeni yoye iitsa ya simana.
NKENE WU NA OKU SHI NINGA:
Longitha omathaneko omapu. Landula omukalo gwaJesus gwokulonga aantu. Okwa li ha popi iinima mbyoka aantu ye shi nawa, haya mono nohaya ningi esiku kehe, opo e ya yelithile oshili. Ino longitha omathaneko ga kitakana. Omathaneko goye naga kale taga opalele shoka to longo aapulakeni, opo kaaya ze po ya ngwangwana kuuyelele mboka itaawu tsu kumwe noshikundathanwa.
Kaleka aapulakeni yoye momadhiladhilo. Longitha omathaneko giinima mbyoka aapulakeni yoye ye shi nawa noye na ohokwe muyo. Omathaneko goye inaga kala taga sitha aantu ohoni nenge tage ya uvitha nayi.
Longa aantu iitsa ya simana. Longitha omathaneko wu longe aapulakeni iitsa mbyoka ya simana, ihe haambyoka inaayi simana. Shilipaleka kutya aapulakeni yoye otaya ka dhimbulukwa ethaneko naashoka yi ilonga mo mulyo.