Kambadhala wu adhe omitima dhaapulakeni

Omayeletumbulo 3:1

SHOKA WU NA OKUNINGA: Kwathela aapulakeni ya mone kutya shoka to ya longo osha simana noya pumbwa oku shi ninga.

NKENE WU NA OKU SHI NINGA:

• Kwathela aapulakeni yi ikonakone. Pula omapulo ngoka taga kwathele aapulakeni ya mone kutya oye uvitile ngiini shoka tayi ilongo.

• Ladhipika aapulakeni. Ladhipika aapulakeni ya tseye kutya omolwashike haya longo shoka oshiwanawa. Ya kwathela ya kale haya ningi ngaashi taya vulu ya kale ye hole Jehova, ye hole ooitaali ooyakwawo nosho wo shoka taya ilongo mOmbiimbeli. Kwathela aapulakeni ya tseye uunongo mboka wu li mOmbiimbeli, ihe ino ya lombwela shoka ye na okuninga. Pehala lyoku ya sitha ohoni, ya tsa omukumo pehulilo lyoshipopiwa shoye, e to ya ladhipike ya ninge ngaashi taya vulu.

• Kwathela aapulakeni ya tseye Jehova. Tsa omuthindo nkene omalongo, omithikampango nosho wo iipango mbyoka yi li mOmbiimbeli tayi tu ulukile omaukwatya gaKalunga nosho wo ohole ndjoka e tu nine. Kwathela aapulakeni ya dhiladhile kombinga yankene Jehova ha kala u uvite noya kale ya hala oku mu nyanyudha.