OSHIGWEDHELWAKO A
Oshili ndjoka tu hole okulonga aantu
Jesus okwa ti kutya aanamitima omiwanawa otaya ka dhimbulula kutya ndjino oshili ngele ye yi uvu. (Joh. 10:4, 27) Onkee ano uuna tatu popi naantu otwa hala okukala hatu ya lombwele oshili yOmbiimbeli momukalo gwa yela. Oto vulu okulombwela omuntu oshili yOmbiimbeli to ningi efalomo to pula to ti: “Mbela owu shi shi ngaa kutya . . . ?” nenge “Owa uva ngaa kutya . . . ?” Opo ihe to longitha enyolo nenge omanyolo ngoka taga yelitha oshili ndjoka. Okuyelitha oshili yOmbiimbeli niitya iipu okuuviwa ko otaku vulu okuguma omutima gwomuntu, ye Kalunga ota vulu okukokeka ombuto ndjoka wa kunu. — 1 Kor. 3:6, 7.
ONAKUYIWA
1. Iinima mbyoka tu wete tayi ningwa nomaihumbato gaantu otayi ulike kutya masiku kombanda yevi otaku ka ningwa omalunduluko. — Mat. 24:3, 7, 8; Luk. 21:10, 11; 2 Tim. 3:1-5.
2. Evi kali na siku li ka hanagulwe po. — Eps. 104:5; Omuuv. 1:4.
3. Onkalamwenyo kombanda yevi otayi ka kala ngaashi Kalunga a li a hala yi kale petameko. — Jes. 35:1, 2; Eh. 11:18.
4. Kehe gumwe ota ka kala e na uundjolowele wi ihwapo. — Jes. 33:24; 35:5, 6.
5. Oto vulu okukala nomwenyo sigo aluhe kombanda yevi. — Eps. 37:29; Mat. 5:5.
AANEGUMBO
6. Omusamane na kale e hole omukulukadhi gwe “ngashika i ihole ye mwene.” — Ef. 5:33; Kol. 3:19.
7. Omukulukadhi kehe na simaneke omusamane gwe nomutima aguhe. — Ef. 5:33; Kol. 3:18.
8. Omusamane nomukulukadhi ayehe oye na okukala aadhiginini kondjokana yawo. — Mal. 2:16; Mat. 19:4-6, 9; Heb. 13:4.
9. Aanona mboka haya simaneke aavali yawo nokuvulika kuyo otaya ka pondola monkalamwenyo. — Omayel. 1:8, 9; Ef. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
KALUNGA
10. Kalunga oku na edhina. — Eks. 15:3, OB-1954; Jer. 10:10, NW.
11. Kalunga okwe tu pa etumwalaka lya simana. — 2 Tim. 3:16, 17; 2 Pet. 1:20, 21.
12. Kalunga omuyuuki, ye ke na okatongo. — Deut. 10:17; Iil. 10:34, 35.
13. Kalunga okwa hala oku tu kwathela. — Eps. 46:1; 145:18, 19.
EGALIKANO
14. Kalunga okwa hala tu galikane kuye. — Eps. 62:8; 65:2; 1 Pet. 5:7.
15. Ombiimbeli otayi tu longo nkene tu na okugalikana. — Mat. 6:7-13; Luk. 11:1-4.
16. Otu na okugalikana aluhe. — Mat. 7:7, 8; 1 Tes. 5:17.
JESUS
17. Jesus okwa li omulongi a shiga ko nomayele ngoka a gandja otaga longo sigo kunena. — Mat. 6:14, 15, 34; 7:12.
18. Jesus okwa hunganeka iinima mbyoka tu wete tayi ningwa. — Mat. 24:3, 7, 8, 14; Luk. 21:10, 11.
19. Jesus Omwana gwaKalunga. — Mat. 16:16; Joh. 3:16; 1 Joh. 4:15.
20. Jesus ke shi Kalunga Omunankondoawike. — Joh. 14:28; 1 Kor. 11:3.
Based on NASA/Visible Earth imagery
UUKWANIILWA WAKALUNGA
21. Uukwaniilwa waKalunga epangelo lyolela lya dhikwa po nale megulu. — Dan. 2:44; 7:13, 14; Mat. 6:9, 10; Eh. 11:15.
22. Uukwaniilwa waKalunga otawu ka pingena po omapangelo gopantu. — Eps. 2:7-9; Dan. 2:44.
23. Uukwaniilwa waKalunga owo owala tawu ka kandula po omaupyakadhi agehe ngoka ga kondeka aantu kombanda yevi. — Eps. 37:10, 11; 46:9; Jes. 65:21-23.
OKUMONA IIHUNA
24. Kalunga haye ha etitha okumona iihuna. — Deut. 32:4; Jak. 1:13.
25. Satana oye ta pangele uuyuni mbuka. — Luk. 4:5, 6; 1 Joh. 5:19.
26. Kalunga oku na ko nasha nokumona iihuna kwoye. — Eps. 34:17-19; Jes. 41:10, 13.
27. Masiku Kalunga ota ka hulitha po okumona iihuna. — Jes. 65:17; Eh. 21:3, 4.
ESO
28. Aasi kaaye na shoka ye shi, onkee itaya mono iihuna yasha. — Omuuv. 9:5; Joh. 11:11-14.
29. Aasi itaya vulu oku tu kwathela sha, nenge oku tu ningila uuwinayi washa. — Eps. 146:4; Omuuv. 9:6, 10.
30. Oonakusa otaya ka yumudhwa. — Job 14:13-15; Joh. 5:28, 29; Iil. 24:15.
31. “Oko noitaku ka kala we eso.” — Eh. 21:3, 4; Jes. 25:8.
ELONGELOKALUNGA
32. Kalunga ina hokwa omalongelokalunga agehe. — Jer. 7:11; Mat. 7:13, 14, 21-23.
33. Kalunga oku tonde uufudhime. — Jes. 29:13; Mika 3:11; Mark. 7:6-8.
34. Ohole yashili ohayi ndhindhilikitha mo aalongelikalunga yashili. — Mika 4:3; Joh. 13:34, 35.