Elongo lyo-1: Omwenyo ihagu si

Mbela elongo ndika olya tamekela peni? “Aakriste aafilosofi yopetameko oya li ya taamba ko edhiladhilo lyOshigreka kutya omwenyo ihagu si nonokutya ogwa shitwa kuKalunga nohe gu tula molutu lwokanona hoka ke li moshivalelo pesimbapalo lyomukiintu.”—Embo eti-11 lyo-The New Encyclopædia Britannica (1988), epandja 25.

Ombiimbeli otayi ti ngiini? “Omwenyo nguka tagu yono—ogwo gu na okusa.”—Hesekiel 18:4, OB-1954.

Ombiimbeli otayi popi shi na ko nasha nokushitwa komuntu gwotango tayi ti: ‘OMUWA Kalunga okwa kutha ontsi yevi e te yi umbu omuntu. Okwe mu fudhile ombepo yomwenyo momayulu, omuntu nokwa ningi omunamwenyo [mOshihebeli, nefesh].’—Genesis 2:7.

Oshitya shOshihebeli nefesh shoka sha tolokwa “omunamwenyo,” otashi ti ‘oshishitwa shoka hashi fudha.’ Sho Kalunga a shiti omuntu gwotango Adam, ine mu tula omwenyo ihaagu si, ihe okwe mu fudhile ombepo ndjoka hayi gandja oonkondo komwenyo opo gu longe. Onkee ano, Ombiimbeli otayi popi kutya omwenyo omuntu ye mwene. Omwenyo ohagu si ngele gwa topolwa ko koonkondo dhomwenyo ndhoka Kalunga a gandja.—Genesis 3:19; Hesekiel 18:20.

Elongo lyomwenyo ihaagu si otali pendutha omapulo taga landula: Omwenyo ohagu yi peni konima yeso? Oshike hashi ningilwa oomwenyo dhaakolokoshi? Sho mboka Aakriste aniwa ya taamba ko elongo kutya omwenyo ihagu si, oya taamba ko ishewe elongo ekwawo lyomulilo gwoheli.

Yelekanitha oovelise dhOmbiimbeli ndhika: Omuuvithi 3:19; Iilonga 3:23

OSHILI OYO:

Ngele omuntu a si, ke na we shoka e shi

[Ethano pepandja 4]