Ombiimbeli otayi ti ngiini kombinga yaantu omamiliyona gahamano, mboka ya sa komukithi gwo-Corona?

Ehangano lyUundjolowele mUuyuni olya ti kutya sho kwa ka thikwa momasiku 23 Mei 2022, aantu oomiliyona 6.27, oya li ya si komukithi gwo-Corona. Ihe Ehangano lyUundjolowele mUuyuni, mo 5 Mei 2022, olya li wo lya kundaneke kutya omwaalu gwaamboka ya sa otashi vulika gwa konda poomiliyona ndhoka. Olya ti kutya okuza momumvo 2020 sigo 2021, “omwaalu gwaamboka ya li ya si ko-Corona . . . otagu tengenekelwa paantu oomiliyona 14.9 lwaampo.” Mbela Ombiimbeli oya popya sha kombinga yoonkundana ndhika dhi nikitha oluhodhi?

Ombiimbeli oya kala ya hunganeka nale kombinga yomikithi omidhipagi dhomikwayu

•  Jesus okwa hunganeka kutya ‘momasiku gahugunina’ otaku ke ya ‘omalega’ nenge omikithi dhomikwayu. — Lukas 21:11; 2 Timoteus 3:1.

Ehunganeko ndyoka lyaJesus otali gwanithwa kunena. Opo wi ilonge oshindji, lesha oshitopolwa, “What Is the Sign of ‘the Last Days,’ or ‘End Times’?” (“Oshike tashi ulike kutya otu li ‘momasiku gahugunina,’ nenge ‘pethimbo lyehulilo’?”).

Ombiimbeli otayi tu kwathele

•  Aakorinto aatiyali 1:3, 4, otadhi ti: ‘Kalunga, ngoka kuye haku zi ekwatho alihe, ohe tu kwatha muudhigu wetu auhe.’

Aantu oyendji mboka ya silwa aapopepi nayo ohaya hekelekwa ketumwalaka lyOmbiimbeli. Ilonga oshindji moshitopolwa, “Coping With Grief—What You Can Do Today” (“Shoka to vulu okuninga wu ungaunge noluhodhi” nosho wo “The Best Help for Those Who Grieve” (“Ekwatho lya dhenga mbanda kwaamboka ya nika oluhodhi”).

Ombiimbeli otayi tu lombwele shoka tashi ka hulitha po omikithi

•  Mateus 6:10 otayi ti: “Oshilongo shoye nashi ye, Ehalo lyoye nali gwanithwe kombanda yevi wo ngaashi megulu.”

“Oshilongo shaKalunga” nenge tu tye Uukwaniilwa waKalunga, otawu ka ninga po sha, opo ‘kaapu ka kale nando ogumwe ta ka tya: “Otandi ehama.”’ (Markus 1:14, 15; Jesaja 33:24) Tala okavidio Uukwaniilwa waKalunga oshike?, opo wi ilonge kombinga yepangelo ndika lyomegulu, nonokutya oshike tali ka ninga po.

Otatu ku hiya wi ilonge oshindji kombinga yaashoka Ombiimbeli tayi ti, opo ngoye noyaandjeni mu vule okumona uuwanawa momayele gayo ga dhenga mbanda nosho wo momauvaneko gayo omawanawa.