Yohuserya 1

Mummo Nyuwano Munahalanyu Osuwela Yeyo Muluku Ontchuniye

Soleliha saphama tani Biblia oriyeno? (1)

Tani ori oholela a Biblia? (2)

Ntakharaheni nyuwano munaphwanelanyu omuhuserya Biblia? (3)

1. Biblia ti yamahala ya esisapo yowalamela ya Muluku. Ori ntoko ekarata yatithi osiveliwa ni anawe. Onnanlela evelevelo volocha sa Muluku—owo tani ni onemelelani. Onnanlela timwawihai nnahalahu owerya oholela sokachamiha ni mummo nnahalahu owerya ohakalala wevelevelo. Biblia mekheiye onnalela yophwanelela opaka wii nimuhakalalihe Muluku.—Masalmo 1:1-3; Yesaya 48:17, 18.

2. Biblia orempwe ni atchu awakhwana 40, veri va elukuluku ya iyaka 1.600, ovinyerya va 1513 A.E.C. Orinono alivro akhani 66. Alipa omurepa Biblia yavereliwe ti Muluku. Arempe mawupuweleloawe, ohikhala mawupuweleloaya. Vanonto Muluku, wirimu, ohikhala mutchu avelaponi, tori Oholela a Biblia.—2 Timoteo 3:16, 17; 2 Petro 1:20, 21.

3. Muluku achichimiherya wii Biblia arempwekerempweke ni akhapeleliwe mwaphama. Abiblia anchipale arempwa ohiyana ni livro mukina ori othene. Tahi wii atchu othene annahakalala yawi nyuwano mmuhuseryeke Biblia, nyenya muhihiye wii eyo yohiheni. Muholo mwanyu mohimala onroromela wii nyuwano mphiyerye omusuwela Muluku ni opaka yotchunawe, nari erivovo yawukhula yamotatani.—Mateyu 5:10-12; Yohane 17:3.