Yohuserya 8

Mano Amwiichani A Muluku Taani?

Mwiichani mutokwene a Muluku ti Satana, Musaserya. Owo ti yopachushiwa yomunepani yeyo yammwarenle Yehova. Satana onnapwahiherya owana ni Muluku nave onneeriha sokachamiha sitokwene wa atchu. Satana toonanara. Ti mulipa awotha ni mulipa awiipha.—Yohane 8:44.

Sopachushiwa sikina somunepani sahiphitana ni Satana mu ommwarela wawe Muluku. Biblia onawiitchana wii ti masololo. Hihaatho ntoko Satana, masololo ti amwiichani a muloko wa atchu. Annasiveliwa owerela atchu soonanara. (Mateyu 9:32, 33; 12:22) Yehova onahaala omutolosha momalela khuluwi Satana ni masololo awe. Elukuluku enahalelaa wii ewerele atchu sokachamiha eri yavakhani.—Yawupulula 12:12.

Nyuwo mwatchunaka okhala nthamwene a Muluku, himunaphwanela weraka hiiho Satana onatchuniiye wii mweereke. Satana ni masololo awe annamwiicha Yehova. Ti amwiichani a Muluku nave annatchunatho wii nyuwo mukhale mwiichani Awe. Munnaphwanela omuthanla yowo munatchunanyu omuhakalaliha—Satana nari Yehova. Mwatchunaka okhala ni okumi wohimala, muthanle weerano yotchuna ya Muluku. Satana okhalano mawaralelo ni makhalelo wii aawokekeno atchu. Atchu anchipale a yawo anawokiwa ti yowo.—Yawupulula 12:9.