Hiyaano Nnahuseryavo Eheeni Vooloca sa Maahi Mancipale?

Muluku ahaatoloxa achu oonanara nyenya aamvuluxa Noowa ni echokwaawe. Mapacereryo 7:11, 12, 23

Yaarupa epula yoohimwarya mahiku 40 othana ni ohiyu, nave maahi yaasareya elapo yoothene yavathi. Achu oothene oonanara yaakhwa.

Ankeelo oomwaryeya yaahiya mwiili aya woomuchu nave yaakhala masololo.

Achu yaawo yaari mpuwa mwa mwaaceya yaavuluwa. Naamwi Noowa ni echokwaawe moovira wa elukuluku yaakhwa, Muluku onahaala waaviiha awo muukhwani ni ewehereryo ya okhala wookhala.

Muluku onahaala tho waatoloxa achu oonanara nave onahaala waavuluxa achu aphaama. Mateyu 24:37-39

Satana ni Masololo awe annapwahiherya waahuweliha achu.

Olelo, hiiha ntoko mu elukuluku ya Noowa, achu ancipale annakhooca ohoolela woosivela wa Yehova. Moohilekela, Yehova onahaala waatoloxa achu oothene oonanara.​—2 Petro 2:5, 6.

Achu akina hiiha ntoko Noowa. Awo annamuwiriyana Muluku nave annapaka yeeyo owo onaloceiye; awo ti Anamoona a Yehova.