Mapaceryiho a Nikupa 14

Akristu oopacerya yaalaleerya michaka sa Omwene mmapuro oorakamela a elapo. Yesu aanaahoolela mmapuro a olaleerya nave mootikhiniha aahaakhaviherya olaleerya mu ilocelo ikina. Yehova aahaavaha olipa murima wi evilele wiikariwa.

Yesu aamooniha murummwa Yohani ncicimiho na Yehova. Mu yawoona ekina, Yohani aahoona Omwene wa wirimu omvoothaka Satana ni omaliha olamulelo awe okhala wookhala. Murummwa Yohani aamoona Yesu ari Mwene ni alamuleli akina 144.000. Aahoona tho elapo yoothene ekhanle parataiso mwemmo achu yaamulapaaya Yehova mmurecele ni wiiwanana.