Yoochariha ya Esumana ya 4 a Marsu

ESUMANA YA 4 A MARSU

Ncipo 62 ni Nivekelo

□ Yoohuserya ya Piipiliya ya Muloko:

sp ipaaxina 4, 5 (30 min.)

□ Exikola ya Orummwa WooMuluku:

Waalakhanyiwa wa Piipiliya: Marko 9-12 (10 min.)

No. 1: Marko 11:19–12:11 (4 min. nari vakhaani)

No. 2: Ntakhara Heeni Tahi Yootikiniha wi Piipiliya Ti Liivuru Onaphara Muteko?​—bh ekap. 2 ¶10-12 (5 min.)

No. 3: Ntakhara Heeni Muchu Wiiveleela Mukhateiye wa Muluku Onnahoolela Ohakalala​—Saw. 20:35 (5 min.)

□ Muthukumano wa Muteko:

Ncipo 7

10 min: Masu a Ovaha Irevista mu Março. Othokororya. Mveke ikomentaario vooloca sa makoho anacharela: Variyari va omala wa isumana seiyo nnahaalaahu okawa nwopelo, tiheeni enahaala wooniherya wakhala wi nyuwo munahaala ovaha irevista? Tiheeni mwaahaalaanyu oloca wi mvahe nwopelo vamoha ni irevista? Naamwi sawooniherya sa ntakiheryo iphitaanyeryaka nikoho ni yoorepa, mwaahaala okwasa hai oloca wanyu? Mooniherye moota wa ovaha erevista eri yoothene vamoha ni nwopelo.

10 min: Mphurelo wa Examine as Escrituras Diariamente​—2013. Othokororya. Mwawaakuveya muthokororye yoorepa ya eyaaka eri va ipaaxina 3-4 ni “Moota wa Opharihela Muteko Efolyeto Yeela,” va epaaxina 5. Vano mwaaveke alipa oowiriyana wi eloce elukuluku taani aniivahaaya wi ethokororye yoorepa ni mphurelo anaakhelaaya. Mukuchulele moorweela wa waalipiha oothene wi enathokororya yoorepa nihiku ti nihiku.

10 min: Soothowa sa vanipuroni.

Ncipo 119 ni Nivekelo