Tiheeni Munahaalaanyu Weera Mmahiku a Iferiado?

Woona wi ancipale anakhala owaani mahiku a iferiado a malapelo ni a elapo, eyo ekari yaphaama wa hiyo wi nuuke mu orummwa. Miloko sinnaceenyeriwa wi ipake marehereryo avameekhaaya a olaleerya mmahiku a iferiado. Wakhala wi ancipale mu ekulucu anahaala olekela ovinya wooxixelo ohiya yookhovelela, eyo yahaala okhala yaphaama wookolola elukuluku ya muthukumano wa orummwa wa mmacani. Poti olokohiwa va Muthukumano wa Orummwa muleelaka muloko vooloca sa marehereryo avameekhaaya a olaleerya mmahiku a iferiado nave mwaaceenyerye oothene anawerya wi yuuke. Aayi, iferiado tho sinnanivaha elukuluku ya wiichuuwa nari othokororya miyaha sa muchu mukhateiye. Nyenya, ti waphaama opharihela nikupa na nihiku nlo mu orummwa. Hiiha nyuwo munahaala opuha ohakalala onarweela mu ophara muteko waweela.​—Mat. 11:29, 30.