Nnii Nunnuwihe Hai Mukhalelo wa Waakuveya Vooloca sa Olaleerya

Mukhalelo wa waakuveya onaphwanela waacereryiwa, nave ela ti yoochuneya wi nivuluwe makuchuwelo yaala a ichu. Moorweela wa ochariha sawuupuxerya seiha, hiyaano nnanwerya wunnuwiha mukhalelo ahu wa waakuveya.

• Mvekeleke moohihiyererya vooloca sa Omwene.​—Mateyu 6:10.

• Mukhapelele murima anyu moorweela wa omwaalakhanya Piipiliya nihiku nnihiku.​—Ahe. 3:12.

• Mpharihele mwa miruku elukuluku anyu.​—Aef. 5:15, 16; Afil. 1:10.

• Mukhaleno niitho na “omoha”. Muhikhale oohuwelihiwa ni minkhela sa elapo.​—Mat. 6:22, 25; 2 Tim. 4:10.

• Titelelani okhala awiireherya moorweela wa woona waakhwaniheryeya wa soolaiherya sa Piipiliya.​—Mar. 13:35-37.

Okhalano wahu mukhalelo wa waakuveya, onahaala oneeriha wiivoliiherya vancipale mmuteko yoowo ohanle vakhaani okuchuwa!​—Yoh. 4:34, 35.