Yoochariha ya Esumana ya 15 a Tesempuru
ESUMANA YA 15 A TESEMPURU
Ncipo 1 ni Nivekelo
□ Yoohuserya ya Piipiliya ya Muloko:
my ekap. 65 (30 min.)
□ Exikola ya Orummwa Woomuluku:
Waalakhanyiwa wa Piipiliya: Yosuwa 6-8 (10 min.)
No. 1: Yosuwa 8:18-29 (4min. naari vakhaani)
No. 2: Tiheeni Satana Aalonceiye Vooloca sa Achu?—bh ekap. 12 ¶6-9 (5 min.)
No. 3: Ororomeleya wa Yobu Onanihusiha Eheeni?—bh ekap. 12 ¶10-13 (5 min.)
□ Muthukumano wa Muteko:
Yoorepa ya Mweeri: Nikumiherye vaate ichu “saphama” sa muhakhu ahu seiho nivahiwaahu.—Mat. 12:35a.
Ncipo 101
15 min: “Weeciha Mwa Mphurelo Soohuserya sa Piipiliya.” Okoha ni waakhula. Mmanle othokororya eparakrafo 3 ekhalevo yawooniherya ya makupa meeli mulaleeryi eecihaka yoohuserya ya Piipiliya athokororyaka eparakrafo 8 ya ekapitulu 15 ya liivuru Piipiliya onahusiha eheeni. Yawooniherya yoopacerya mulaleeryi alocaka sincipale. Yanaawiili, mulaleeryi apakaka makoho a moonelo wi emukhaviherye osuwela muupuwelo wa oohuserya.
15 min: Ekaruma Enookhaviheryaani Weeciha Soohuserya sa Piipiliya. Othokororya. Mwaathoonyerye alipa oowiriyana wa nikupa nnarweela mu jw.org nrino muru “Piipiliya Onahusiha Eheeni?” (Moone vathi SOOHUSIHA SA PIIPILIYA > AMIRAVO.) Muthokororye mukhalelo mwaha ola onaphwanelaaya ophariheliwa wi onikhaviherye weeciha mwa mphurelo soohuserya sa Piipiliya ni amiravo naari awuuluvala. Makoho anapakiwa mu nikupa nenla enii enikhaviherye hai otannya murima wa oohuserya? Mphitaanyerye nawiilocele mulaleeryi apharihelaka muteko nikupa nla wi nimukhaviherye wuupuwela vooloca sa soochuna sa oohuserya awe ni orehererya makoho oophwanelela. Mukuchule moorweela wa waalipiha alipa oowiriyana wi ekhale ahusiha aphaama moorweela wa wiilipixerya otannya murima wa oohuserya aya ni opharihela muteko ichu saphaama aryaayano wi yaakhaviherye akina. (Masi. 20:5) Ntoko yooraceeliha, wakhala wi honaweryeya ovolowa mu jw.org muthokororye yoohuserya 8 ya eproxura Michaka Yaphaama Yoorweela wa Muluku! Mooniherye mukhalelo nikoho na muru mukhaani nnahaalaaya ophariheliwa muteko wi mpaceryihe ochekula, ovaanela ni opaceryiha yoohuserya ya Piipiliya.
Ncipo 99 ni Nivekelo.