MUHAKHU WA MASU A MULUKU | YOBI 6-10
Yuupu Ahooniherya Othanana Wawe
Yuupu aahaawa, aakhweliwa, ni aakhalano ereca etokweene, nyenya aatitelela okhala oororomeleya. Satana aamuruuhela makacamiho yaala wi aviihevo nroromelo nawe. ‘Asinthamwene awe’ araru yaaphiya. Woopaceryani, awo yaamuhakararya. Voocharela yaakilaathi ni Yuupu mahiku mathanu nameeli ehilonce echu, ehimuhakararyaka. Masu yaaloncaaya voocharela yaari ohiphwanelela.
Yuupu aatitelela okhala oororomeleya moohipwacha saweeha
• Ohooxeya otokweene waamweeriha Yuupu okhalano moonelo wooheseya. Yuupu uupuwela wi Muluku hanapwacha waakhanle wi muchu toororomeleya naari hooye
• Nthowa na oceecheya, Yuupu haathokoronrye mathowa makina a ohooxeya wawe
• Naamwi aloceliwe masu oonanara, Yuupu aahaaleela yaale yaamunyemula osivela aareiyeno ni Yehova