OKUMI WEEKRISTU

Wunnuwiha Mavyakelo Ahu Mmuteko wa Olaleerya​—Mutannye Murima ni Liivuru ‘Osivela wa Muluku’

NTAKHARA HEENI TI YOOCHUNEYA: Achu anaphwanela ohuserya malakiheryo a Yehova ni okhala mwawiiwanana ni yaawo, wi ewerye omurumeela mwaweemereryeya. (Isa 2:3, 4) Liivuru ‘Osivela wa Muluku,’ yoolaleeryiwa ahu yanaawiili nnapharihelaahu wi nimukhaviherye oohuserya a Piipiliya wuupuwelela mukhalelo wa opharihela malakiheryo a Yehova mu ekumi awe yoothene. (Ahe 5:14) Nnaphwanela wiilipixerya otannya murima aya vaavaa nnaahusihaahu wi ekhaleno nchuno na opaka matorokelo.​—Aro 6:17.

MUKHALELO WA WEERANO YEELA:

• Mwiirehererye phaama, muupuwelaka soothowa sa oohuserya anyu. Mpake makoho a moonelo yaawo anahala wookhaviheryaani osuwela moonelo wa oohuserya anyu vooloca sa mwaheene yoowo.​—Masi 20:5, be-T 259.

• Mpharihele ikaaxa sa liivuru wi mmukhaviherye oohuserya woona ochuneya waya opharihela malakiheryo a Mpiipiliyani.

• Mmukhaviherye oohuserya a Piipiliya othokororya mwaha mwawiiwanana ni yawuupuxerya-ya-murima awe, ohiya omuleela echu yaweera.​—Gal 6:5.

• Mwamiruku mwaavyavye osuwela waakhanle wi oohuserya anyu onnachuna nikhaviheryo wi apharihele malakiheryo a Mpiipiliyani. Mweepewe, mmuceenyerye opaka matorokelo yaawo anathipeleya mu nsivelo nawe wa Yehova.​—Masi 27:11; Yoh 14:31.

[Ekaaxa va epaaxina 2]

Liivuru ‘Osivela wa Muluku’ liivuru onaphwanela ohuseryiwa ophiyerya ommaliha. Naamwi oohuserya owo apatisiwe, munaphwanela orepelaka iwora ni oxekurya munapakaanyu ni yoowo ophiyerya omala wa liivuru.