Yehova Onnaasivela Achu Eesipanti

“Munyaweke. Murehereryeke mpa. Mveleke vaate. Muriheke ikokhola.” Asitiithi ancipale annaahusiha anamwane aya mukhalelo wa okhala eesipanti omwiilini. Chiryene, malakiheryo a okhala eesipanti anarweela wa Muluku ahu aweela. (Muk 30:18-20; Malam 23:14; 2Kor 7:1) Vaavaa nnakhalelaahu eesipanti mwiili ahu vamoha ni ichu sahu, ninnamucicimiha Yehova. (1Ped 1:14-16) Hanka vooloca sa vaate vahu ni mapuro oorukurerya? Moohiyana ni achu yaawo anariha ikokhola mmuxeweni naari mmapuro oochekula, Akristu anneera soothene anaweryaaya wi mapuro oothene ekhaleke ooreera. (Sal 115:16; Wup 11:18) Naari mu ichu ikhaani ntoko, makate a muhali, a enka, naari echu ekina, annooniherya moonelo ahu vooloca sa eesipanti. Mmikhalelo soothene sa okumi ahu, “ninniiseemererya mu soothesene ntoko anamuteko a Muluku.”—2Kor 6:3, 4.

MOONE EXILEMA MULUKU ONNAASIVELA ACHU EESIPANTI, NAVE MWAAKHULE MAKOHO ANACHARELA:

• Wiikuphelela taani ancipale anapakaaya nthowa na ohooniherya eesipanti ni ichu aryaayano?

• Ti mwawiihai Nlamulo na Mose noonihenryaaya moonelo wa Yehova vooloca sa eesipanti?

• Nni nruuhe hai ncicimiho wa Yehova nihilonce echu?