Meecelo Aphaama ni Ncicimiho Sinnalekecha Mirima

Athiyana ootheliwa yaawo anakhala Akristu, ikwaha sincipale annaalekecha asiiyaya weemererya eparipari moorweela wa meecelo aya aphaama. Naamwi ori hiiha, onnachuneya wiilipixerya ni ovilela mu iyaakha sincipale. (1Ped 2:21-23; 3:1, 2) Wakhala wi munnahooxeya nthowa na okhalihiwa moonanara, mutitelele ovootha yoonanara ni yaphaama. Yootakiherya anyu yaphaama enanwerya waavolowela aiyanyu mmukhalelo waphaama opwaha mmasu.

Mweererye wiiwexexa mwaha mmoonelo wa oothelana anyu. (Fil 2:3, 4) Mooniherye niphwanya ni oreera murima, nave mweere soothene ophiyerya munawerelaanyuvo wi mwaakhwanihe murici anyu ntoko muthiyana ootheliwa. Mukhale namawiriyana aphaama. (Tiy 1:19) Mukhale oovilela nave mwaaleele aiyanyu wi munnaasivela. Naamwi aiyanyu ehooniheryaka oreera murima ni ncicimiho munooniheryaanyu, munanwerya okhala oohakalala osuwela wi Yehova onnathamalela wiilipixerya wanyu.—1Ped 2:19, 20.

MOONE EXILEMA YEHOVA ONNANIVAHA IKURU WI NIVOOTHE MAKACAMIHO AHU, NAVE MWAAKHULE MAKOHO ANACHARELA:

• Tuuvi waari mukhalelo wa murokora Grace Li amanle otheliwa?

• Tiheeni yaamweerinhe weemererya eparipari?

• Ti mwawiihai murokora Grace Li aavilenleiye variyari va makacamiho amanle opatisiwa?

• Tiheeni murokora Grace Li aavekenleiye vooloca sa aiyawe?

• Mareeliho taani murokora Grace Li aakhenleiye nthowa na ncicimiho vamoha ni meecelo awe aphaama?