MUHAKHU WA MASU A MULUKU | MAPHATXUWELO 15-17

Ntakhara Heeni Yehova Aatoroka Nsina na Aparamu ni Sarayi?

17:1, 3-5, 15, 16

Yehova aahoona wi Aparamu aari ooreera murima. Vaavaa aamulenleiye Aparamu vooloca sa soororomeliha sawe, Yehova amvaha Aparamu ni Sarayi masina mavyaani, yaawo yooniherya ichu saahaala weereya muhoolo. Aparamu aavahiwa nsina nivyaani nawi Aparahamu nave Sarayi aaniichaniwa Sara.

Nsina nawi Aparahamu nnataphulela tiithi a maloko mancipale nave Sara nnataphulela nikholo na mamwene.

Aparahamu

Tiithi a Maloko Mancipale
Sara

Mwaana Amwaamuthiyana a Mwene

Iruku iri vamoha: Murokora yoowo ori mmiravo onnooniherya winnuwa omunepani. 1. Owo onnapatisiwa. 2. Apakaka makupa okaweliweiye a mithukumano sa veeri va esumana. 3. Ari mmuteko woolaleerya nave amoonihaka muthiyana exilema.

Vaavaa nnayariwaahu, hannawerya othanla nsina nahu. Nyenya, ntoko Aparahamu ni Sara, nnanwerya otikitherya meecelo ahu aphaama. Mwiikohe:

‘Kini kiwerye hai osuweliwa ni Yehova wi kamuchu ooreera murima?’
‘Nsina taani kinapakaaka vamiithoni va Yehova?’