Atheli, Muni Mulipihe Hai Othela Wanyu?

Aparahamu ni Sara yootakiherya yaphaama ya atheli yoonihenrye osivela ni ncicimiho mukina ni mukhwaawe. (Map 12:11-13; 1Ped 3:6) Naamwiihiiha, othela waya waari woohiphaameya, nave yaavilela ni makacamiho mookumini. Tiheeni atheli anahuseryaaya ni yootakiherya ya Aparahamu ni Sara?

Olocihana mukina ni mukhwaawe. Wakhala wi mmoha a oothelana onnapharihela masu oowali, ti woochuneya waakhula mwawiiyeviha. (Map 16:5, 6) Mpake marehereryo wi mmaliheke elukuluku mukina ni mukhwaawe. Masu ni saweera annawerya otikitherya osivela mu othela wanyu. Opwaha ichu soothene, ntoko mutheli, mukhaleno onthamwene woolipa ni Yehova moorweela wa ohuserya, ovekela, ni opaka malapelo eechoko vamoha. (Ekle 4:12) Othela woolipa, onnamucicimiha Yehova, yoowo opacerinhe marehereryo yaala avameekhaaya.

MOONIHE EXILEMA MUNI MULIPIHE HAI OTHELA WANYU?, NAVE MWAAKHULE MAKOHO ANACHARELA:

• Mu exilema, ineneeryo taani sinooniherya wi wiivalaanya wa Xani ni Kaira waanaaceereryeya?

• Ntakhara heeni ti woochuneya atheli okhala ootaphuwa vaavaa analocihanaaya?

• Yootakiherya ya Aparahamu ni Sara yaamukhavihenrye hai Xani ni Kaira?

• Ichu taani Xani ni Kaira yaapankaaya wi elipihe othela waya?

• Ntakhara heeni mulopwana ni muthiyana ahinaphwanelaaya oweherya wi othela waya onahaala okhala woophaameya?