Wunnuwiha Mavyakelo Ahu Mmuteko wa Olaleerya—Olaleerya orweela wa Ompharihela Kaamera naari Telefoni

NTAKHARA HEENI TI YOOCHUNEYA: Nthowa na waaceereryeya wa nlala, wiiliwiili achu annaapharihela akaamera naari atelefone mmavaate mmwaha. Eparipari wi nnanwerya okhala awuukhuwa vaavaa nnavaanelaahuno michaka yaphaama ni muchu yoowo nihinaweryaahu omoona. Sooleeliherya sinacharela sinahaala onikhaviherya olaleerya mootaphuwa mmakhalelo yaala.

Mukhalelo wa weerano:

• Okhalano moonelo woophwanelela. Yaawo arino akaamera naari atelefone mmavaate mwaya anneemererya ochekula ni hiyaano

• Muupuwele wi mu ilukuluku ikina mwaneene a vaate onanwerya owiiwaani naari owoonaani muhaakumve ovolowa veechokoni

• Vaavaa mwaneene a vaate onawaakhuleiyeni, mwaalocaka ni kaamera naari telefoni, muloceke ntoko munaloca ni yoowo ethoi ni ethoi. Vaavaa munalocaanyu mooniherye ohakalala. Muloce echu yeeyo mwaachunaanyu oloca waakhanle wi munaloca ni yoowo ethoi ni ethoi. Waakhala wi muri va kaamera, muhaacamelihe ethoi anyu. Nyenya mwaneene a vaate ahiwaakhulaani, muhihiye yoolaleeryiwa

• Mmanle okuchula ochekula wanyu, muupuwele wi mwaneene a vaate onanwerya woovareryakaani ni owiiwakaani