Asitiithi, Mwaavyakihe Anamwane Anyu ni Masuwelelo

Nnakhala mu elapo yeeyo enoona yaphaama okhala yoonanara nave yoonanara okhala yaphaama. (Isa 5:20) Moohiciha, achu akina annapaka ichu seiho Yehova oniiceiye, ophitaanyerya meerelo awuuliha muru ntoko okonihana wa achu a mwiikho woolikana. Asinthamwene ooxikola naari achu akina ananwerya waahuweliha amiravo ahu ookhweleyaxa. Muni nwerye hai waakhaviherya anamwane anyu wi evoothe saweeha anakumanaayano?

Mwaavyakihe anamwane anyu ni masuwelelo a Yehova ni malakiheryo awe. (Onam 18:3) Ilukuluku ni ilukuluku mwaaleeleke anamwane anyu, mwawiiwanana ni iyaakha saya, mwaaleele yeeyo Piipiliya onaloceiye vooloca sa okonihana. (Malam 6:7) Mwiikohe: ‘Kihaahusiha anamwane aka vooloca sa wooniheryiwa nchuno noophwanelela wa akina, ochuneya waya owara ikuwo soophwanelela, ni ochuneya waya wi akina enaacicimiha? Mpwanne anaaka aasuwela echu yaweera wakhala wi mukina onneererya owooniha epwitikiri naari waaveka wi epake echu yeeyo Yehova olonceiye wi ti yoonanara?’ Okhalano masuwelelo onanwerya waakhaviherya awo osepa okhalano ekeerelani. (Masi 27:12; Ekle 7:12) Moorweela wa waahusiha anamwane anyu, munooniherya osivela yamahala anyu yoorweela wa Yehova.—Sal 127:3.

MOONE EXILEMA MUTEKE EMPA ENAHAALA OLEKELA—MWAAKHAPELELE ANAMWANE ANYU MWA ICHU “SONANARA” VOOCHARELA MWAAKHULE MAKOHO ANACHARELA:

• 

  Ntakhara heeni akina annoovelela waahusiha anamwane aya vooloca sa okonihana?

• 

  Ntakhara heeni asitiithi anaphwanelaaya waavyakiha anamwane aya ‘mmaphuwelo ni mmathoriheryo a Apwiya’?—Éfe 6:4

• 

  Soovaha taani marehereryo a Yehova anavahereryaaya wi yaakhaviherye asitiithi waahusiha anamwane aya vooloca sa okonihana?—w19.05 epaax. 19, ekaaxa

• Ntakhara heeni munaphwanela ovaanelano moohihiyererya ni anamwane anyu ehaakumve okhalano makacamiho?