OKUMI WEEKRISTU
Asitiithi—Mwaakhaviherye Aniinyu Okhalano Miruku sa Wirimu
Mukhalelo mmoha asitiithi eneeraaya yaakhaviherye anaya okhalano miruku sa wirimu ori waakhaviherya ophura mmithukumano Seekristu. Yeeyo amiravo anoonaaya, aniiwaaya ni vaavaa anavahaaya maakhulo aya mmithukumano enanwerya waakhaviherya ohuserya sa Yehova ni okhalano onthamwene woolipa ni yoowo. (Malam 31:12, 13) Wakhala wi mwa tiithi, ti mwawiihai munahalanyu omukhaviherya mwaninyu wi akumihe mphurelo mmithukumano?
Mwiilipixerye wi mpakeke makupa mu ovahererya maakhulo anyu mmithukumano.—Sal 22:22
Mwaavyeke elukuluku wi mwaalipihe anna vamoha ni arokora anyu ihaakumve naari imanle mithukumano.—Ahe 10:25
Mwaavyavye osuwela waakhanle wi mmoha ti mmoha a veemusini vanyu ookhalano ekoopiya ya soolaleeryiwa sawimpirimiiriwa naari mu ikhankoonya, seiho inahuseryiwa mmithukumano
Mmukhaviherye mwaninyu orehererya maakhulo mmasu awawe.—Mat 21:15, 16
Muloceke mwaphaama vooloca sa mithukumano ni miyaha munaakhelaanyu weiwo
Mwaakhaviherye anamwane anyu wiivoliiherya mmiteko sa muloko, ntoko yootakiherya weeliha Empa ya Omwene ni oloca ni awunnuwelavo
• Waakhaviherya anamwane wi emwaacamele Yehova ennavolowela wiilipixerya vancipale, vakina vaya onanwerya wooniwa ntoko woovelaveliha. Naamwi hiihaa muroromele wi Yehova onahaala wookhaviheryaani.—Yes 40:29.
MOONE EXILEMA NTOKO ASITIITHI, MMUROROMELE YEHOVA NI IKURU SAWE, NAVE VOOCHARELA MWAAKHULE MAKOHO ANACHARELA:
Ti mwawiihai ovelavela waavolowenlaaya okumi wa Zack ni Lia?
Ntakhara heeni asitiithi anaphwanelaaya omwaavya Yehova wi ephwanye ikuru?
Mmukhalelo taani Zack ni Lia yaamuroromelaaya Yehova wi ekhumelele phaama?