5-11 A AKOSTU

MUHAKHU WA MASU A MULUKU

1. “Mulaleerye Muyareryiwo wa Muhoolo” Vooloca sa Owerya wa Muluku

(10 min.)

Tavite aahoona okhapelela wa Yehova variyari va omiravo awe (Sal 71:5; Sentinela, 1/9/1999, epaax. 18 epara. 17)

Tavite aahoona nikhaviheryo na Yehova mu wuuluvala wawe (Sal 71:9; Despertai, 8/10/2004, epaax. 23 epara. 3)

Tavite aahaalipiha amiravo moorweela wa oloca saweereya sawe (Sal 71:17, 18; Sentinela, 15/1/2014, epaax. 23 ipara. 4-5)

Emusi yoonihiwe mu nikupa na esumana evirale “Malakiheryo Ntakhara Malapelo a Echoko Ooxekuwa.” Awo annamwaakhela mutheli awunnuwelavo ntakhara malapelo a echoko nave ennanwiriyana moohakalala eniiha mutheli awooniheryaka iruku ni alocaka saweereya sawe.

MWIIKOHE: ‘Munna taani awunnuwelavo a mmulokoni kaahaalaka osiveliwa ompakela makoho variyari va malapelo ahu a echoko?’

2. Muhakhu Woomunepani

(10 min.)

Sal 72:8—Ti mwawiihai yoororomeliha ya Yehova wa Aparahamu enaphwanyeya mu Mapacereryo 15:18 yaakhwanenlaaya mu olamulelo wa Solomoni? (Perspicaz, Vol. 1, epaax. 892)

Naakhulo nanyu
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?

Naakhulo nanyu

3. Waalakhanyiwa wa Piipiliya

(4 min.) Sal 71:1-24 (th yoohuserya 5)

MWIIVYAKIHE MMUTEKO WOOLALEERYA

4. Opaceryiha Ovaanela

(3 min.) EMPA NI EMPA. Wakhala wi mohoona wi muchu owo onachuna wi mwaakhulaneke, mukwatelele ovaanela mmukhalelo waphaama. (Waasivela achu, yoohuserya 4, epontu 5)

5. Ovaanela Woocharela

(4 min.) OLALEERYA WOOHILAKELELA. Mutitelele ovaanela ni mmusi yoowo onoovelela omuhuserya Piipiliya. (Waasivela achu, yoohuserya 8, epontu 4)

6. Mutharihe Soororomela Sanyu

(5 min.) Mwaha. Perguntas Frequentes 49—Muru: Por Que as Testemunhas de Jeová Mudaram Algumas Das Suas Crenças? (th yoohuserya 17)

OKUMI WEEKRISTU

7. Meerelo Ntakhara Malapelo a Echoko

(15 min.) Othokororya ni alipa oowiriyana.

Emusi yeemenle yiikhovelelihaka wiipa ncipo na Omwene.

Mmoha a anamwane mu echoko awaakhulaka amamaawe variyari va nikupa na wiikhoveleliha na malapelo a echoko.

Malapelo a echoko ooxekuwa eri elukuluku yoochuneya wa anamwane ohuserya “olaka ni mmahusiheryo a Yehova.” (Aef 6:4) Ohuserya onnachuneya wiilipixerya, nto enanwerya okhala yaweereya yoohakalaliha xaxaxa vaavaa anamwane anannuwihaaya nchuno na iparipari sa Mpiipiliyani. (Yoh 6:27; 1Pet 2:2) Moone ekaaxa “Meerelo Ntakhara Malapelo a Echoko” wi yaakhaviherye asitiithi weeriha Malapelo a Echoko okhala amphurelo ni oohakalaliha, nave voocharela muthokororye makoho ala:

Tisivi siri mikhalelo wa seiya mwaahaalaanyu osiveliwa opharihela?

Naakhulo nanyu
Apwanne moophwanyavo echu ekina ya mphurelo?

Naakhulo nanyu

MEERELO NTAKHARA MALAPELO A ECHOKO

PIIPILIYA:

Munwiriyane karavasau a waalakhanyiwa wa Piipiliya a esumana naari omwaalakhanya Piipiliya ni nsu noovuwa. Muchu ti muchu a veechokoni onanwerya waalakhanya masu a muchu mmoha oohiyana yoowo onalociwa Mpiipiliyani
Murehererye makoho mwawiiwanana ni waalakhanyiwa wa Piipiliya wa esumana. Mumveke mmoha ti mmoha a veechokoni wi athanle nikoho nimoha nave mutholathole. Voocharela awo ananwerya oloca sa yeeyo ahusenryaaya
Mpake nikoho nimoha naari mwaha mukina, nave voocharela mutholathole malakiheryo a Mpiipiliyani yaawo anaphariheleya, mu Mpharihele Malakiheryo a Mpiipiliyani Mookumini
Murehererye makupa makina a Mpiipiliyani
Murehererye epapeeli erivo eversikulu emoha ya Mpiipiliyani ni masu ene oohiyana wa esumana ti esumana yoorweela mu Apentise 1 mu eproxura Waasivela Achu-Waapaka Oohuserya nave voocharela mweererye wuupuwelela eversikulu yeeyo. Mvarerye ipapeeli sa isumana ivirale
Muhuserye makupa mamoha a liivuru Mpuhe Okumi Okhala Wookhala!
Mwaathanle akina a veechokoni wi etharihe vooloca sa yeeyo aphwannyaaya mmiyaha sa “Perguntas Bíblicas Respondidas” naari “Textos Bíblicos Explicados,” inaphwanyeya mu ENSINOS BÍBLICOS mu jw.org

MITHUKUMANO:

Murehererye makupa mamoha a mithukumano sa muloko
Murehererye ni mwiivyakihe wa naakhulo nanyu. Mvareryele elukuluku
Mwiikhovelelihe macipo a Omwene
Muthokororye ni mwiikhovelelihe wa yeeyo munahaalaanyu oloca wi mmulipihe muchu ohaakumve naari omanle muthukumano woocharela
Mvarerye makupa yaawo mmoha a veechokoni vanyu onahaaleiye operekha mwawaakuveya mmuthukumano wa veeri va esumana

MUTEKO WOOLALEERYA:

Mwiirehererye ntakhara muteko woolaleerya wa empa ni empa
Mwiirehererye ntakhara opaka sooxekurya
Muupuwelele mukhalelo wa olaleerya woohilakelela, nave voocharela mwiikhovelelihe ntoko mapaceryiho mamoha a ovaanela woonthamwene
Muthokororye ti mwawiihai nyuwaano munahaalaanyu opaka sincipale mmuteko anyu woolaleerya, variyari va elukuluku ya Yawuupuxerya naari elukuluku ya ifeeriya sa omutekoni naari oxikola

SOOTHOWA SA VEECHOKONI:

Muthokororye nikupa noophara muteko vooloca sa mukhalelo wa ohoolela nikacamiho nenlo nikhumelenle naari nnahaala okhumelela, ntoko wa yaale anavolowela miyaha sa epolitika, owana, ompwana naari wuupuwelela omala wa eyaakha
Muthokororye nikupa noophara muteko vaavaa asitiithi ni anamwane anatorokaaya murici. Anamwane annatholathola mwaha yoowo nave voocharela annuupuwelela ni asitiithi aya

SOOLEELIHERYA SAWAACEERERYA:

Mmoone nave mmuthokororye prokarama a JW Broadcasting^®
Mwaalakhanye mwaha mmoha naari moone exilema ya mu jw.org, nave voocharela muthokororye
Muthokororye echu ya makupa ani “Jovens” Naari “filhos” enaphwanyeya mu nikupa na ENSINOS BÍBLICOS mu jw.org
Muupuwelele seiyo mwaarepenlaanyu va muthukumano wa muceche naari wa ekulucu
Mvarerye naari mutholathole makupa a yoopatuxiwa, nave voocharela muthokororye yeeyo nnahuseryaahu vooloca sa Yehova
Mu elukuluku ikina, munwope muchu wi mvaanele vamoha, nave voocharela mmukohe
Mutikitherye soolakelela soomunepani nave muthokororye mukhalelo munahaalaanyu waakhwaniherya
Mulape mmuteko vamoha, ntoko mu yoochariha ya ompaka mwaaceya, naari otesenyaara maapa anaphwanyeya Mpiipiliyani a Tradução do Novo Mundo naari eruku enaphwanyeya mu soolaleeryiwa sahu

Moonihe EXILEMA Mutitelele Orehererya Malapelo Anyu a Echoko. Voocharela mwaakohe alipa oowiriyana:

Ti mwawiihai mulopwana othenle onahaaleiye weeriha malapelo a echoko okhala oohakalaliha vaavaa anamwane ahinakhalaayavo vaate?

Naakhulo nanyu

8. Yoohuserya ya Piipiliya ya Muloko

(30 min.) Mulipeleli, 04/2020, Mwaha 2, ipara. 13-19 ni makoho awuuluulela