Mooniherye Olipa Murima Vaavaa Munakhinyereryiwaanyu

Mwaalakhanye Yeremiya 38:​1-13 wi muhuserye vooloca sa olipa murima wa Yeremiya ni wa Epete-meleki mulopwana yoowo ahaavahiwe mukhalelo wa othela.

Mwaalikhele mwaha ene. Ti mwawiihai Yeremiya oonihenreeiye olipa murima moorweela wa olaleerya michaka sa Yehova? (Yer. 27:​12-14; 28:​15-17; 37:​6-10) Achu yaakhulenle hai?—Yer. 37:​15, 16.

Ohuserya mwawiisela. Okhinyererya taani Yeremiya aahooleenleiye? (Jeremias, miyaha 26-27, ipara. 20-22) Mweererye osuwela vooloca sa ihime sa khalai. (Perspicaz, Vol. 1 epaax. 499) Munoona wi Yeremiya iisoonne hai vaavaa aaryeiye mu ehime yeele ni vaavaa aacoryeiye mu ncokwa? Wa echu taani Epete-meleki aahaaleiye woova?—Mulipeleli, 1/5/2012, epaax. 31 ipara. 2-3.

Muupuwele ichu muhusenryanyu. Mwiikohe:

• ‘Yaweereya yeela enakihusiha eheeni vooloca sa mukhalelo Yehova onaakhapeleleiye alapeli awe oororomeleya?’ (Sal. 97:10; Yer. 39:​15-18)

• ‘Mmikhalelo taani kinahaalaaka ochuna wooniherya olipa murima?’

• ‘Kini kilipihe hai olipa waka murima moorweela wa opaka yeeyo eri yaphaama vaavaa kinakhinyereriwaaka opaka yeeyo eri yoonanara?’ (Mulipeleli, 1/3/2011, epaax. 30)a