Mano Ntakhara Heni Mutchu Onakhwiiye?

8 Yehova Muluku aatchunne wii mutchu atatushe elapo yothene okhala emacha yorera—paradaiso wa othene.—Genesis 1:28.

Atchu yahaala okhala ni okumi wawiikhalelaru, yaari Adamu ni Hava emwiwelela Yehova. Yaahileliwa wii ehilye yawiima ya mwiri wosuweliha yaphama ni yoonanara.—Genesis 2:15-17.

9 Mungelo aahikhala oonanara nave ahipharihela muteko enowa wii empakihe Hava naritho Adamu ohimwiiwelela Muluku.—Genesis 3:1-6.

10 Mungelo yowo anwonke Hava aahikhala iitchaniwaka ‘enowa yakhalai, musaserya ni Satana.’—Yawupulula 12:9.

11 Yehova aahiwikara atchu othelanawo ohiwelela m’paradaiso.—Genesis 3:23, 24.

12 Adamu ni Hava yaahayara anamwane, nyenya emusi yothene eyo hiyaari yohakalala.—Genesis 3:17, 18.

13 Yaanaphwanela wuluvala ni okhwa, ntoko mummo Yehova aalochenliiye.—Genesis 3:19; aRoma 5:12.

14 Awo yaahikhwa hiihaa ntoko inama.

Ikumi sothene velaponi sinnakhwa.—Eklesiasti 3:18-20; Ezekieli 18:4.