Yehova Oonivaha Mvulusha

29 Mutchu opacherya omunepani yowo Muluku ampankiiye aari wa yowo ntoko mwana opacherya.

Muluku onnamusivela vanchipale nave onahaala ompharihela muteko wii aatoloshe oonanara ni wavulusha awiiwelela.—Yohane 3:16, 36.

30 Yehova ahimurumiha Mwanawe wii ayariwe velaponi. Ahaakhela nsina nawii Yesu. Amannya yiitchaniwa Mariya.—Luka 1:30-35.

31 Vavaa Yesu ainunwiiye, ahihusiha itchu sinchipale saphama. Ahihusiha wii Yehova mekheiyeru tori Muluku eparipari.—Marko 12:29, 30.

Yesu olonche wii nnaphwanela omuthamala mekhayaru Yehova.—Mateyu 4:10; Yohane 4:23, 24.

Ahahusihatho atchu volocha sa omwene wa Yehova.—Luka 17:20, 21.

32 Yesu ahaapenusha awiicheliwa nave aheera itchu sinchipale saphama. Henre eri yothene yoonanara.—Saweriwa Tarummwa 10:38; 1 Petro 2:21, 22.

Nyenya mano ahaala onivulusha hai wa yotcheka ni okhwa?

33 Owo anaphwanela ovelela ephepa wa Muluku wii aavulushe atchu aphama. Khalai Muluku aalamulenle wii atchu eveleeleke iphepa sa inama wa sotcheka saya.—aHebri 7:25, 27.

34 Yesu haveleenle ephepa ya inama. Aiveleenle mekheiye ntoko ephepa wa hiyo.—Mateyu 20:28; aHebri 10:12.

Mano mosuwela nthowa nene?