Mano Tiheni Nyuwo Munaphwanelanyu Weera?

50 Mano munnatchuna okhala ni okumi m’paradaiso oorera ola?

Hihaanto huseryani mwawachereryeya sa yeyo Muluku onlochiiye. Avyavyani ohuserya omwalakhanya Biblia.—Yohane 17:3; Yawupulula 1:3.

51 Huseryani mwawachereryeya sa Yesu.—Detronomiu 18:18, 19; Yohane 3:16; Saweriwa Tarummwa 3:19-23.

52 Avyavyani weera saphamaru ni omwiiwelela Yehova.—aRoma 6:17, 18, 22.

53 Mupuweleke wii Yehova oriye wii hinnaphwanela owiiphaka atchu.—Eksodo 20:13; 1 Yohane 3:11, 12.

54 Hinnaphwanela owaakha atchu itchu saya.—Eksodo 20:15; aEfeso 4:28.

55 Mulopwana hanaphwanela okhalaka ni muthiyana ni okonano, ahikhanle wii ti mwaariye.—Eksodo 20:14, 17; 1 aTesalonika 4:3.

56 Mano munnupuwela wii Muluku emerenrye wii mulopwana akhalekeno asaariye ahai? Ni wii mulopwana onaphwanela okhala ni mwaariye mu elukuluku yoorekama mwawihai?—Genesis 2:22, 24; Mateyu 19:5, 6; 1 aKorinto 7:2, 10, 11.

57 Mupuweleketho wii nnaphwanela omuthamalaka Yehova mekheiyeru.—Mateyu 4:10; 1 aKorinto 8:6.

58 Sophwaniherya hiiwerya onikhaviherya. Mano ntakhara sheni?—1 aKorinto 8:4.

Ti waphama okhalano sophwaniherya?—Detronomiu 27:15; 1 Yohane 5:21.

59 Mano ntakhara sheni oryaya woonanara opharihela muteko masenka nari okhwiri?—Detronomiu 18:10-13; Yawupulula 21:8.

60 Angelo oonanara nari wii masololo yaahimmwarela Muluku. Awo annaapharihela muteko anamulosiwe wii yaahuweliheke atchu.—Saweriwa Tarummwa 16:16.

61 Ninnaphwanela ovekela wa Muluku. Nivekelo nnataphulela olocha ni Muluku omulela wii nnatchuna omurumela ni omveka wii anikhaviherye.—aFilipi 4:6, 7.

62 Ninnaphwanela omwiiwelela Yesu ni ororomela mwa yowo.—aHebri 5:9; Yohane 3:16.

63 Mupuweleke wii owo aahikwha wii anivulushe.—aRoma 5:8.

64 Mupuweleke wii Yesu ti mwenaahu ohooneya. Ninnaphwanela omwiiwelela yowo.—aFilipi 2:9-11; Yawupulula 19:16.

65 Yesu olonche wii nyuwo munnaphwanela olocha wa akina sa itchu saphama munahuseryanyu ni wii yawo anatchuna omurumela Muluku annaphwanela opatisiwa.—Mateyu 28:19, 20; Yohane 4:7-15.

66 Mwawihihaa, nyuwo munnawerya olocha wa asiinthamwenaanyu sa itchu saphamasene seiyo.—Mateyu 10:32.

67 Wakhala wii nyuwo moohuserya walakhanya phama, munanwerya ohuserya itchu ikina sinchipale ni wakhaviherya akina phameene.—2 Timoteo 2:15.

68 Yesu ahahusihatho anamwane wii emwiiweleleke Muluku. Owo haaiweiha vanchipale wii aphiyerye woochela olochano.—Mateyu 19:13-15.

69 Asitithi annaphwanela wahusihaka anamwanaaya elukuluku yothene omwiiwelela Muluku ni omusivela.—Detronomiu 6:6, 7; Proverpio 6:20-22; aEfeso 6:4.

70 Wokhalavo ikeresha sohiyana-hiyana. Sohusiha saya sinchipale hiiri sa m’Bibliani. Yehova onnanlamulela wii nikhumemo mu ikeresha seiyo ihinahusiha eparipari.—Yawupulula 18:4; Yohane 4:23, 24.

71 Yehova okhalano atchu velaponi yawo anawerya wohusihani sinchipale sa yowo. Mano munnasuwela wii taani?—Saweriwa Tarummwa 15:14; aRoma 10:14, 15.

72 Anitchaniwa Anamona a Yehova. Akhalano murechele variyari vaya. Mano mosuwela nthowa nene? Nthowa nawii annasivelana mukina ni mukhwawe.—Yesaya 43:10-12; Yohane 13:34, 35.

73 Nthowa nawiitho annamusivela Yehova, aapatisiwa. Ti mwawihihaa anathonyeryaya vokokoleya wii aahiya meerelo oonanara mukumini ni wii anatchuna oleva okumi aya mu omurumela Muluku.—Saweriwa Tarummwa 2:41.

74 Anamona a Yehova annawehererya okhala m’paradaiso ahihano ni oorera.—Salmo 37:9-11, 29.

Mano ti sheni yeyo nyuwo muniryaanyu mweere wii mwakhalemotho vamoha ni yawo?—Yakobo 1:22, 25; 2:20-26.

75 Iphitaanyeni ni atchwene yawo wii muhuserye omurumela Yehova. Awo annamusivela ni omwiiwelela Yehova ni Yesu Kristu. Mano nyuwo munnaasivela? Munnatchuna waakhaviherya akina omusuwela Muluku?—Yohane 6:45-47.

76 Yehova ni Kristu Yesu annosivelani nyuwo nave anatchuna wii mukhale ni okumi wawiikhalelaru m’paradaiso.—Yohane 3:16.

Yeyo nyu muhusenryanyu mu ovarerya iruku ni sosuweliha siri mu ebrochura ela tchiryene sohovahani otchuna wa okhala ni okumi wawiikhalelaru velaponi yavathi. Wakhala wii munnatchuna osuwela sawachereryeya sa ela, ninnovahani mawupuwelo awii muloche n’Namona a Yehova m’moha a wiiwo munakhalaanyuwo. Akhweya murepele, nari oveka wii mutchu mukina arepele, o escritório yawaachamela wiiwo munakhalaanyuwo, ntoko mummo othonyeriwaaya mma endereço athataanyiwe va epaagina yanawili ya ebrochura ela.