Mano Muluku Onahaala Watoloshatho Atchu Oonanara?

22 Olelotho aakhalavo atchu oonanara. Mano ti itchu taani sikina soonanara munoo-naanyu seeriwakano vava?

23 Akina annawiipha akhwaaya. Muluku olonche wii honaphwanela werano eyo.—Eksodo 20:13; 1 Yohane 3:11, 12.

24 Akina anamwiiya. Muluku olonche wii honaphwanela wiiya.—Eksodo 20:15; aEfeso 4:28.

25 Akhalavo alopwana anaathela athiyana anchipale. Akina anakhala ni athiyana eli nari awaacha mu ipa soohiyana. Akina anakhala vamoha ehithelanne. Sothene iho sinnavaanyihana ni seiyo Biblia onlochiiye.—Mateyu 19:4-6; 1 aKorinto 7:1-4; 1 Timoteo 3:1, 2.

26 Mano munnupuwela wii Muluku aamvanhe Adamu muthiyana mmoharu?—Genesis 2:22, 24.

27 Akina anathamalela sophwaniherya. Muluku olonche wii honaphwanela opharihela muteko sophwaniherya va othamalela.—Eksodo 20:4, 5; Yesaya 44:9-17; 1 Yohane 5:21.

28 Yehova onahaala watolosha oonanara ahinatchuna orukunuwa.—Salmo 37:9, 10; Luka 13:5; 1 aKorinto 6:9, 10.